UIDAI Recruitment: महिना २ लाख पगार, Aadhaar मध्ये नोकरीची सुवर्णसंधी; अर्ज कसा करायचा?

सरकारी नोकरी करण्याची अनेक तरुणांची इच्छा असते. तुम्हालाही सरकारी नोकरी करायची असेल तर ही माहिती खास तुमच्यासाठी. भारतीय विशिष्ट ओळख प्राधिकरण विभाग म्हणजेच UIDAI मध्ये नोकरी करण्याची सुवर्णसंधी तुमच्याकडे आहे.UIDAI ही संस्था देशातील लोकांचे आधार कार्ड बनवणे आणि ते रेगुलेट करण्याचे काम करते.

यूआयडीएआयमध्ये हैदराबाद येथील क्षेत्रीय कार्यालयासाठी ही भरती जाहीर करण्यात आली आहे. डेप्युटी डायरेक्टर आणि सिनियर अकाउंट ऑफिसर या पदासाठी ही भरती केली जाणार आहे. या नोकरीसाठी इच्छुक उमेदवारांनी लवकरात लवकर अर्ज करायचे आहे. (Government Job)

भारतीय विशिष्ट ओळख प्राधिकरण विभागातील या नोकरीसाठी तुम्हाला uidai.gov.in या वेबसाइटवर जाऊन अर्ज करायचा आहे. या नोकरीसाठी अर्ज करण्याची शेवटची तारीख २४ डिसेंबर २०२४ आहे.

या भरतीसाठी अर्ज करणाऱ्या उमेदवाराची कमाल वयोमर्याद ५६ वर्ष असायला हवी.चार्टड अकाउंटंट, कॉस्ट अकाउंटंट, एमबीए (फायनान्स) या क्षेत्रात पदवी प्राप्त केलेली असावी. त्याचसोबत ५ वर्षांचा कामाचा अनुभव असणे गरजेचे आहे.

डेप्युटी डायरेक्टर या पदासाठी उमेदवारांना मासिक वेतन ६७,७०० ते २,०८,७०० रुपये मिळणार आहे. सिनियर अकाउंट ऑफिसर पदासाठी ५६,१०० ते १,७७,०० रुपये वेतन मिळणार आहे. (UIDAI Recruitment)

या नोकरीसाठी अर्ज करताना तुम्हाला अधिकृत वेबसाइटवरुन अर्जाचा फॉर्म डाउनलोड करुन घ्यावा लागेल. त्यानंतर आवश्यक कागदपत्रांसह भारतीय विशिष्ट ओळख प्राधिकरण (यूआयडीएआय), क्षेत्रीय कार्यालय, ६ वा मजला, ईस्ट ब्लॉक, स्वर्ण जयंती कॉम्प्लेक्स, मातृवनमच्या जवळ, हैदराबाद ५०००३८ इथे पाठवायचा आहे. (Aadhaar Job)