ESIC Recruitment: सरकारी नोकरीची संधी; ESIC मध्ये भरती सुरु; पगार मिळणार १,०६,००० रुपये; अर्ज कसा करावा?

कर्मचारी राज्य विमा निगम म्हणजेच ईएसआयसीमध्ये नोकरी करण्याची सुवर्णसंधी आहे. ईएसआयसी ही सरकारअंतर्गत काम करते. कर्मचारी राज्य विमा निगममध्ये स्पेशलिस्ट, पीजीएमओ आणि सिनियर रेजिडेंट पदांसाठी भरती जाहीर करण्यात आली आहे. या नोकरीसाठी अधिसूचनादेखील जाहीर करण्यात आली आहे.

चांगल्या सरकारी कंपनीत नोकरी करायची असेल तर ही तुमच्यासाठी उत्तम संधी आहे. ईएसआयसीमध्ये १३ रिक्त पदांसाठी भरती केली जाणार आहे. ही भरती वॉक इन इंटरव्ह्यूद्वारे केली जाणार आहे. ईएसआयसीमधील नोकरीसाठी वॉक इन इंटरव्ह्यू ३० सप्टेंबर रोजी होणार आहे. सकाळी १० ते ६ या वेळेत हा इंटरव्ह्यू घेण्यात येणार आहे.

ईएसआयसीमधील या नोकरीसाठी अर्ज करणाऱ्या उमेदवाराने मान्यताप्राप्त विद्यापीठातून एमबीबीएस किंवा संबंधित क्षेत्रात पदवी प्राप्त केलेली असावी. याचसोबत ज्युनिअर स्पेशलिस्ट ग्रेड पदासाठी तीन वर्षांचा कामाचा अनुभव असावा. सिनियर स्पेशलिस्ट पदासाठी उमेदवाराकडे ५ वर्षांचा अनुभव असावा.

स्पेशलिस्ट पदासाठी अर्ज करणाऱ्या उमेदवाराची कमाल वयोमर्यादा ६९ वर्षे असावी. पीजी एमओ पदासाठी ३७पेक्षा जास्त वयोगटातील उमेदवार अर्ज करु शकतात. याचसोबत राखीव प्रवर्गातील उमेदवारांना वयोमर्यादेत सूट देण्यात आली आहे.

या नोकरीसाठी निवड झाल्यावर उमेदवारांना भरघोस पगारदेखील मिळणार ज्युनिअर स्पेशलिस्ट पदासाठी १,०६,००० रुपये पगार मिळणार आहे. पीजीएमओ पदासाठी ८५००० रुपये पगार मिळणार आहे. या नोकरीसाठी वॉक इन इंटरव्ह्यू ऑफिस ऑफ मेडिकल सुपरिटेंडेंट, ईएसआयसी हॉस्पिटल, होतगी रोड सोलापूर-४१३०३ येथे उपस्थित राहायचे आहे.