Government Job: सरकारी नोकरीची सुवर्णसंधी; विद्यापीठात विविध पदांसाठी भरतीप्रक्रिया सुरू, असा करा अर्ज

नोकरीच्या शोधात असलेल्या तरुणांसाठी आनंदाची बातमी आहे. दिल्ली विद्यापीठात नोकरीची सुवर्णसंधी आहे. दिल्ली विद्यापीठातील कमला नेहरु कॉलेजमध्ये नॉन टिचिंग स्टाफमध्ये भरती जाहीर करण्यात आली आहे. इच्छुक उमेदवारांनी या नोकरीसाठी अर्ज करावेत. यासाठी तुम्ही कमला नेहरु कॉलेजच्या www.knc.edu.in या वेबसाइटवर भेट द्यावी लागेल. यासाठी कॉलेजने अधिसूचना जारी केली आहे. KNC कॉलेजच्या भरतीमध्ये अर्ज करण्याची शेवटची तारीख १७ ऑगस्ट आहे.

कमला नेहरु महाविद्यालयामध्ये वरिष्ठ वैयक्तिक सहाय्यक, कनिष्ठ सहाय्यक, लायब्ररी अटेंडेंट आणि अनेक पदांसाठी उमेदवारांची निवड केली जाणार आहे. वरिष्ठ वैयक्तिक सहाय्यक, वरिष्ठ तांत्रिक सहाय्यक, कनिष्ठ सहाय्यक, लायब्ररी अटेंडंट, लायब्ररी अटेंडंट (मानसशास्त्र), लायब्ररी अटेंडंट (भूगोल) या पदासांठी रिक्त जागा आहेत.

या नोकरीसाठी अर्ज करणाऱ्या उमेदवारांची शैक्षणिक पात्रता वेगवेगळी निश्चित करण्यात आली. उमेदवाराने १२ वी/पदवी शिक्षण घेतलेले असणे गरजेचे आहे. याबाबत सर्व माहिती कॉलेजच्या अधिकृत वेबसाइटवर देण्यात आली आहे.

यासाठी उमेदवारांना पदानुसार मासिक वेतन देण्यात येईल. पे स्केल १ ते १० पर्यंत वेतन देण्यात येईल. या नोकरीसाठी अर्ज करणाऱ्या उमेदवारांना १००० रुपये अर्ज फी भरावी लागणार आहे. या नोकरीसाठी उमेदवारांना लेखी परीक्षा द्यावी लागणार आहे. त्यानंतर स्किल टेस्ट घेण्यात येईल. यामध्ये उत्तीर्ण झाल्यानंतरच तुम्हाला तुम्हाला ही नोकरी मिळणार आहे.