CBSE Recruitment: सीबीएसईमध्ये नोकरी करण्याची संधी;विविध पदांसाठी भरती; अर्ज कसा करावा?

नोकरीच्या शोधात असणाऱ्यांसाठी अत्यंत महत्त्वाची बातमी आहे. सेंट्रल बोर्ड ऑफ सेकंडरी एज्युकेशन म्हणजे सीबीएसईमध्ये नोकरी करण्याची सुवर्णसंधी आहे. सीबीएसईमध्ये ए, बी आणि सीअंतर्गत विविध पदांसाठी भरती केली जाणार आहे. या नोकरीसाठी अर्जप्रक्रिया सुरु झाली आहे.

सेंट्रल बोर्ड ऑफ सेकंडरी एज्युकेशनअंतर्गत या नोकरीसाठी अर्ज करण्याची शेवटची तारीख २२ डिसेंबर २०२५ आहे. या नोकरीसाठी इच्छुकांनी लवकरात लवकर अर्ज करावेत. या नोकरीसाठी तुम्ही www.cbse.gov.in या वेबसाइटवर जाऊन अर्ज करु शकतात.

सीबीएसईमध्ये एकूण २२४ पदांसाठी भरती केली जाणार आहे. असिस्टंट सेक्रेटरी, असिस्टंट प्रोफेसर/असिस्टंट डायरेक्टर (ट्रेनिंग), असिस्टंट प्रोफेसर/असिस्टंट डायरेक्टर (स्कील एज्युकेशन), अकाउंट्स ऑफिसर, सुप्रीटेंडेंट, ज्युनिअर ट्रान्सलेशन ऑफिसर, ज्युनिअर अकाउंटंट, ज्युनिअर असिस्टंट अशा विविध पदांसाठी भरती केली जाणार आहे.

जर तुम्ही संबंधित क्षेत्रात शिक्षण घेतले असेल तर ही चांगली संधी आहे. तुम्हाला शिक्षक, प्रोफेसर म्हणून नोकरी करायची असेल कर चांगल्या संंस्थेत तुम्हाला काम करता येणार आहे. या नोकरीच्या अनुभवामुळे तुम्हाला खूप काही शिकायला मिळेल. भविष्यात या संधीमुळे तुम्हाला खूप फायदा होईल.

अर्ज कसा करावा?

सर्वात आधी तुम्हाला cbse.gov.in या वेबसाइटवर जायचे आहे.

यानंतर होमपेजवर तुम्हाला भरतीसंबंधित लिंक दिसणार आहे. त्यावर क्लिक करा.

यानंतर तुम्हाला रजिस्ट्रेशन करावे. यानंतर लॉग इन करावे.

यानंतर तुम्हाला फॉर्ममध्ये सर्व माहिती भरायची आहे.

यानंतर फॉर्म सबमिट करावी. या फॉर्मची एक प्रिंट आउट तुमच्याजवळ ठेवा.