BIS Recruitment: ब्युरो ऑफ इंडियन स्टँडर्डमध्ये नोकरीची सुवर्णसंधी; ३४५ जागांसाठी सुरु आहे भरती; अशा पद्धतीने करा अर्ज

नोकरीच्या शोधात असणाऱ्या तरुणांसाठी आनंदाची बातमी आहे. ब्युरो ऑफ इंडियन स्टँडर्ड म्हणजे बीएसआय येथे नोकरीची सुवर्णसंधी आहे. ब्युरो ऑफ इंडियन स्टँडर्डमध्ये ३४५ जागांसाठी भरती सुरु आहे. या नोकरीसाठी तुम्हाला ऑनलाइन पद्धतीने अर्ज करायचा आहे.

इंडियन ब्युरो स्टँडर्ड येथे गट अ, ब आणि क मध्ये विविध रिक्त पदे आहेत. असिस्टंट डायरेक्टर, पर्सनल असिस्टंट, असिस्टंट सेक्शन ऑफिसर, असिस्टंट, स्टेनोग्राफर, स्क्रेटेरियट असिस्टंट, टेक्निकल असिस्टंट, टेक्निशियन पदासाठी भरती जाहीर करण्यात आली आहे.

भारती मानक बोर्ड म्हणजे बीएसआयद्वारे ही भरती जाहीर केली आहे. या नोकरीसाठी अर्जप्रक्रिया ९ सप्टेंबर २०२४ पासून सुरु होईल. अर्ज सादर करण्यासाठी शेवटची तारीख ३० सप्टेंबर २०२४ आहे. या भरतीसाठी उमेदवार संबंधित क्षेत्रात पदवीधर असणे गरजेचे आहे.पदवीधर, डिप्लोमा,आयटीआय पदवी प्राप्त उमेदवार या नोकरीसाठी अर्ज करु शकतात.

अर्ज सादर केल्यानंतर उमेदवारांना स्किल टेस्ट द्यावी लागणार आहे. या टेस्टमध्ये पास झाल्यानंतर कागदपत्रंची पडताळणी केली जाईल त्यानंतर वैद्यकीय तपासणी केली जाणार आहे. याबाबत अधिक माहिती https://www.bis.gov.in या अधिकृत वेबसाइटवर देण्यात आली आहे.