Bank Of Maharashtra Recruitment: बँक ऑफ महाराष्ट्रमध्ये महिला खेळाडूंसाठी नोकरीची सुवर्णसंधी; मिळणार ६४००० रुपये मासिक वेतन

बँक ऑफ महाराष्ट्रमध्ये नोकरीची सुवर्णसंधी आहे. बँक ऑफ महाराष्ट्रमध्ये महिला खेळाडूंसाठी भरती करण्यात येत आहे. बँक ऑप महाराष्ट्र ही पब्लिक सेक्टरमधील खूप मोठी बँक आहे. या नोकरीसाठी महिला अर्ज करु शकणार आहे. या नोकरीसाठी ऑफलाइन पद्धतीने अर्ज मागवण्यात आले आहे. बँकामध्ये होत असलेल्या आंतरबँक , राज्य पातळी आणि देश पातळीवर होत असलेल्या स्पर्धांमध्ये भाग घेण्यासाठी या महिला खेळाडूंना प्रोत्साहित करण्यात येणार आहे. त्याचसाठी ही भरती सुरु आहे.

या नोकरीसाठी १३ रिक्त जागांवर भरती करण्यात येणार आहे. कस्टमर सर्व्हिस असोसिएट या पदासाठी ही भरती करण्यात येणार आहे. या पदासाठी वयोमर्यादा १८-२५ निश्चित करण्यात आली आहे. या नोकरीसाठी उमेदवाराने मान्यताप्राप्त शिक्षण संस्थेतून १० वी पास असले पाहिजे. त्याचसोबत खेळात ५ वर्षांचा अनुभव असणे गरजेचे आहे.

या नोकरीसाठी अर्ज करणारा उमेदवार हा भारतीय नागरिक असणे गरजेचे आहे. या नोकरीसाठी तुम्हाला ऑफलाइन पद्धतीने अर्ज करायचा आहे. बँक ऑफ महाराष्ट्र, एचआरएम डिपार्टमेंट, हेड ऑफिस, लोकमंगल १५०१, शिवाजीनगर, पुण ४११ ०११ या पत्त्यावर तुम्हाला अर्ज पाठवायचा आहे.

हा अर्ज कोणत्या पद्धतीने पाठवायचा आहे, याची सर्व माहिती बँकेच्या वेबसाइटवर दिली आहे. यासाठी तुम्ही https://bankofmaharashtra.in/writereaddata/documentlibrary/06de871c-4b95-437c-93df-d934d42459d4.pdf या लिंकवर जाऊन माहिती मिळवू शकतात. या नोकरीसाठी तुम्हाला २४०५० ते ६४४८० रुपये मासिक वेतन मिळेल. हे वेतन तुमच्या अनुभवावर अवलंबून असेल.