Bank Jobs: बँक ऑफ बडोदामध्ये नोकरीची संधी; १२७६ रिक्त जागा; पात्रता काय? अर्ज कसा करावा?

बँकेत नोकरी करण्याची अनेकांची इच्छा असते. तुम्हालाही बँकेत नोकरी करायची असेल तर ही बातमी खास तुमच्यासाठी. बँक ऑफ बडोदामध्ये स्पेशलिस्ट ऑफिसर पदांसाठी भरती जाहीर करण्यात आली आहे. बँक ऑफ बडोदाने १२६७ रिक्त पदांसाठी भरती जाहीर केली आहे.या नोकरीसाठी इच्छुक उमेदवारांनी अर्ज करावेत. (Bank Of Baroda Recruitment)

या नोकरीबाबत सविस्तर माहिती bankofbaroda.in या वेबसाइटवर देण्यात आली आहे. या नोकरीसाठी उमेदवारांची निवड ऑनलाइन परीक्षा, ग्रुप डिस्कशन आणि मुलाखतीद्वारे होणार आहे.या नोकरीसाठी तुम्हाला आयबीपीएसच्या वेबसाइटवर जाऊन अर्ज करावेत. (Bank Of Baroda Recruitment)

नोकरीसाठी अर्ज कसा करावा?

या नोकरीसाठी अर्ज करताना तुम्हाला बँक ऑफ बडोदाच्या स्पेशलिस्ट ऑफिसर पदासाठी रजिस्ट्रेशन करावे लागेल.

यासाठी तुम्हाला bankofbaroda.in या वेबसाइटवर जावे लागेल. त्यानंतर करिअर टॅबवर क्लिक करा.

यानंतर Current Openings टॅबवर क्लिक करा.

यानंतर Recruitment of professionals on a regular basis on various departments वर क्लिक करा.

त्यानंतर रजिस्टर करा आणि अर्ज भरा.

यानंतर अर्ज शुल्क भरुन तुम्ही फॉर्म सबमिट करा.

मार्केटिंग ऑफिसर, सेल्स मॅनेजर, सिनियर मॅनेजर, क्रेडिट अॅनालिस्ट मॅनेजर,सिक्युरिटी अॅनालिस्ट ऑफिसर, सिक्युरिटी अॅनालिस्ट मॅनेजर, टेक्निकल ऑफिसर, सिव्हिल इंजिनियर पदासाठी ही भरती करण्यात येणार आहे. या नोकरीसाठी अर्ज करणाऱ्या उमेदवारांनी संबंधित क्षेत्रात पदवी प्राप्त केलेली असावी. २१ ते ३७ वयोगटातील उमेदवार या नोकरीसाठी अर्ज करु शकतात.