नवरी स्टेजवरून उतरली अन् नवरदेवासमोरच बॉयफ्रेंडला घातली माळ; लग्नाच्या मांडवात फिल्मी ड्रामा, पाहा व्हिडिओ

सुप्रीम मस्कर, साम टीव्ही प्रतिनिधी

Wedding Incident in Madhya Pradesh Chhindwara : नवरदेवानं होणाऱ्या बायकोच्या गळ्यात हार घातला... मात्र नवरदेवाच्या हातावर तुरी देऊन नवी नवरी थेट मित्रसोबतच पसार झालीय. हा प्रकार नेमका कुठे घडला. एका लग्नाची ही अजब गोष्ट नेमकी काय आहे? (viral wedding video)

एखाद्या पिच्छरमधी तुम्ही बघितलं अस. नवरी मंडपातून आपल्या बॉयफ्रेंड संग पळून जाती... या सिनवर लय टाळ्या अन् शिट्ट्या पडत्यात पण असाच रिलमधला सीन रियल लाईफमधी घडलाय... ऐन मांडवामधनं नवरी फरार... एकदम एक दुजे के स्टाईल

मांडव सजला... वऱ्हाडी मंडळी जमली... लगीन होणार म्हणून नवरदेव हारकून गेला होता... मांडवात आता नवरा नवरी एकमेकांच्या गळ्यात हार घालणार हुतं...नवऱ्यानं नवरीच्या गळ्यात हार घातला पण नवरीच्या मनात दुसऱाच हुता... हीच टायमिंग म्हणून नवरीनं थेट स्टेजवरून उडी हाणली..अन् गर्दीतल्या दर्दी बॉयफ्रेंडला गाठला अन् गळ्यात हार घातला... झाला का नाय कुटाना

गडी हारकून गेलेला नवरदेव पार हिरमुसला...मांडवात पार तारांबळ उडली... वऱ्हाडीमंडळीचं टाळक सटकलं नाचणाऱ्या वऱ्हाड्यांनी राडा घातला...नवऱ्यानं लग्नास दणक्यात नकार दिला. मंगळसूत्र दागिनं अन् मोबाईल परत मागितला. झालेल्या अपमान सहन न झाल्यानं थेट वऱ्हाडी मंडळींनी पोलिसातच तक्रार केली... घटना छिंदवाड्याची हाय. असं म्हणत्यात प्रेमात अन् युद्धात सगळ माफ हाय.. पण एखादा मनात असतना दुसऱ्याला होकार देणं यात पाप हाय... असो झालं ते झालं.