Viral Video : संगीतात एक जादू असते असं म्हणतात. आपल्या रोजच्या धकाधकीच्या जीवनात गाणी ऐकल्यावर मन शांत होतं. जीवनातला ताणतणाव कमी होतो. प्रत्येक गायक आपली कला जोपासत नित्यनियमाने रियाज करतो. गायकाच्या गाण्यांनी मंत्रमुग्ध होत चाहते त्यांना वेगवेगळ्या भेटवस्तू देखील देतात. सध्या सोशल मीडियावर एका गायकावर नोटांचा वर्षाव करतानाचा व्हिडिओ व्हायरल झाला आहे. (Kirtidan Gadhvi)
गायक कीर्तिदान गढवी याचा हा व्हिडिओ आहे. यामध्ये त्याचं गाणं ऐकून चाहत इतके खूश झाले आहेत. सर्वांनी या गायकावर पैशांचा पाऊस केला आहे. व्हिडिओमध्ये दिसत आहे की, कीर्तिदान व्यासपीठावर बसून आपली कला सादर करत आहे. तर दुसरीकडे त्याच्यासमोर पैशांचा ढीग जमा झाला आहे. तो गाणं गात असताना १५ ते २० व्यक्ती त्याच्यासमोर येऊन त्याच्यावर नोटांचा वर्षाव करत आहेत. यामध्ये १०, २०, ५०, १०० आणि ५०० नोटा देखील उडवण्यात आल्या, असं काही जण म्हणत आहेत.
हिंदी वृत्त वाहिनीने दिलेल्या वृत्तानुसार, गुजरातच्या वलसाद येथे ११ मार्च रोजी कीर्तिदान गढवी या गायकाच्या संगिताचा कार्यक्रम आयोजित करण्यात आला होता. त्यावेळी चाहत्यांकडून नोटांचा पाऊस करण्यात आला आहे. गायक गाकीर्तिदान गढवी नेहमीच चर्चेत असतो. गेल्या वर्षी देखील त्याच्या संगिताच्या कार्यक्रमातला असाच एक व्हिडिओ समोर आला होता. त्यावेळी उडवलेले पैसे मोजले असता ५० लाखांची रक्कम जमा झाली होती.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.