Satyendar Jain : मनी लाँड्रिंग (Money Laundering) प्रकरणात तिहार तुरुंगात असलेले सत्येंद्र जैन (Satyendar Jain) यांचा एक व्हिडिओ सध्या व्हयरल होत आहे. दिल्लीच्या तिहार तुरुंगत जैन यांचा चक्क मसाज करतांनाचा व्हिडिओ समोर आला आहे. यामुळे आरोपींना तिहार तुरुंगात व्हीआयपी ट्रीटमेंट मिळते काय असा प्रश्न यानिमत्त उपस्तिथ होत आहे. व्हिडिओमध्ये ते वेगवेगळ्या कपड्यांमध्ये दिसत आहे.
व्हिडिओमध्ये जैन मसाज करताना दिसत आहेत
दिल्लीचे मंत्री सत्येंद्र जैन यांच्या बॅरेकमधील सीसीटीव्ही फुटेज व्हायरल झाले आहे. हे फुटेज 13 सप्टेंबर, 14 सप्टेंबर आणि 21 सप्टेंबर 2022 चे आहे. या व्हिडिओमध्ये सत्येंद्र जैन आपल्या सेलमध्ये मसाज करताना दिसत आहेत. तुरुंगाच्या कोठडीत एक अज्ञात व्यक्ती मंत्री सत्येंद्र जैन यांच्या पायाला आणि शरीराला मालिश करताना दिसत आहे.
याबाबत ईडीने या संपूर्ण प्रकरणाची कोर्टात तक्रार केली असून कारागृहातील सीसीटीव्ही फुटेज कोर्टाकडे सुपूर्द केले आहेत. जैन यांना तुरुंगात व्हीव्हीआयपी ट्रीटमेंट दिली जात आहे, ते तिथे आरामदायी जीवन जगत आहेत, असे प्रतिज्ञापत्र ईडीने न्यायालयात दाखल केले. प्रतिज्ञापत्रातही जैन यांना मसाज दिल्याचा उल्लेख आहे.
सत्येंद्र जैन तिहारच्या सात क्रमांकाच्या तुरुंगात बंद आहेत. सत्येंद्र जैन यांना सुविधा दिल्याप्रकरणी तुरुंग अधीक्षकांसह चार तुरुंग अधिकारी आणि कर्मचाऱ्यांना निलंबित करण्यात आले आहे. त्याचबरोबर 35 हून अधिक तुरुंग अधिकारी आणि कर्मचाऱ्यांचे तुरुंग बदलण्यात आले आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
