Uttarkashi Tunnel Rescue: उत्तरकाशी बोगद्यातील खोदकाम थांबवलं, सध्या घटनास्थळी परिस्थिती काय?

Uttarkashi Tunnel News:

उत्तराखंडच्या उत्तरकाशी जिल्ह्यातील सिलक्यारा बोगद्यात अडकलेल्या ४१ मजुरांना गेल्या ११ दिवसांपासून बाहेर काढण्याचे काम सुरु आहे. या ४१ मजुरांना बाहेर काढण्याच्या कामाकडे साऱ्या भारतीयांचं लक्ष लागलं आहे. गेल्या काही दिवसांपासून बचावपथकाकडून बोगद्याला खोदकाम(ड्रिलिंग) सुरु होतं. मात्र, आज शुक्रवारी बोगद्याला खोदकाम करण्याचं काम थांबविण्यात आलं आहे. (Latest Marathi News)

बुधवारी रात्री ऑगर मशीनच्या मदतीने लोखंडी गर्डर कापण्याचं काम सुरु होतं. मात्र, गेल्या काही तासांत ऑगर मशीनने खोदकाम करताना अडथळा निर्माण झाल्याने काम थांबवण्यात आलं आहे.  ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

तिसऱ्यांदा थांबवलं खोदकाम

उत्तराखंड येथील चार धाम मार्गावरील निर्माणाधीन बोगद्याचा एक भाग कोसळला. १२ नोव्हेंबर रोजी ही घटना घडली. या बोगद्यात अडकलेल्या मजुरांना काढण्याचं काम बचावपथकाडून सुरु आहे. या बोगद्याच्या आतापर्यंत तिसऱ्यांदा खोदकाम थांबवण्यात आलं आहे.

PM मोदी यांनी साधला छत्तीसगडच्या मुख्यमंत्र्यांशी संवाद

पंतप्रधान नरेंद्र मोदी यांनी उत्तराखंडचे मुख्यमंत्री पुष्कर सिंग धामी यांच्याशी फोनवर संवाद साधला. पंतप्रधान मोदी यांनी उत्तराखंडच्या मुख्यमंत्र्यांना फोन करून उत्तराकाशीमधील निर्माणाधीन बोगद्यातील रेस्क्यू ऑपरेशनविषयी माहिती जाणून घेतली.

पंतप्रधान नरेंद्र मोदी यांनी मुख्यमंत्री पुष्कर सिंग धामी यांना निर्देश दिले की, मजुरांना बाहेर काढल्यानंतर त्यांना गरज लागल्यास तातडीने रुग्णालयात दाखल करा. त्यांना रुग्णालयात दाखल करण्यासाठी योग्य व्यवस्था करा'.

तसेच त्यांनी बचावकार्याच्या प्रगतीविषयी माहिती जाणून घेतली. काही मदतीची गरज असल्यास त्याबाबत कळवण्यासही पंतप्रधान नरेंद्र मोदी यांनी मुख्यमंत्री पुष्कर सिंग धामी यांना सांगितलं.