Nainital Accident: उत्तराखंडमध्ये मोठा अपघात, 32 प्रवाशांनी भरलेली बस दरीत कोसळली

Uttarakhand Nainital Bus Accident :

उत्तराखंडमधील नैनितालमध्ये एक मोठी दुर्घटना घडली आहे. सुमारे ३२ प्रवासी घेऊन निघालेली बस काळाढुनगी रोडवरील नालनी येथे दरीत कोसळली. बसमध्ये प्रवास करणारे लोक हिसार (हरियाणा) येथून नैनिताल येथे जात होते. यामध्ये १८ जण जखमी झाल्याची प्राथमिक माहिती आहे. जखमींना उपचारासाठी रुग्णालयात दाखल करण्यात आले आहे.

रविवारी आपत्ती नियंत्रण कक्ष नैनितालला कालाधुंगी रोडवरील नालनी येथे बसला अपघात झाल्याची माहिती मिळाली. यात ३० ते ३३ जण प्रवासी असण्याची शक्यता वर्तवण्यात आली आहे. माहिती मिळताच रुद्रपूर आणि खैरना येथून एसडीआरएफचे पथक बचावकार्यासाठी रवाना झाले.

अपघातस्थळी पोहोचल्यानंतर बसमध्ये ३२ जण प्रवास करत असल्याची माहिती पथकांना मिळाली. हे प्रवासी हिसारहून नैनितालला पर्यटनासाठी येत होते. एसडीआरएफच्या बचाव पथकांनी पोलिसांसह संयुक्त बचाव मोहीम सुरू केली आणि बसमधून १८ जखमींना बाहेर काढले आणि त्यांना उपचारासाठी रुग्णालयात नेले. इतर लोकांचा शोध सुरू आहे.  (Latest Marathi News)

दरम्यान, याआधी ऑगस्ट महिन्यात उत्तराखंडमधील गंगोत्री धाम येथून परतणाऱ्या गुजरातमधील प्रवाशांना घेऊन जाणारी बस गंगोत्री राष्ट्रीय महामार्गावर गंगनानीजवळ दरीत कोसळली होती. या बसमध्ये ३५ प्रवासी होते. बस अपघातात ७ प्रवाशांना आपला जीव गमवावा लागला होता.