Uttar Pradesh: चक्क पत्नीनेच लावलं पतीचं दुसरं लग्न; रहस्य उघड होताच दुसऱ्या पत्नीने केलं असं काही...

Uttar Pradesh News: उत्तर प्रदेशातील (Uttar Pradesh) आग्रा येथे एक विचित्र प्रकरण समोर आले आहे, मुलं होत नसल्यामुळे आणि घराणेशाही चालवण्यासाठी महिलेने आपल्याच पतीचे दुसऱ्या महिलेसोबत दुसरे लग्न लावून दिले. लग्नानंतर आपला नवरा आधीच विवाहित आहे हे दुसऱ्या पत्नीला समजले. दुसऱ्या लग्नाची ही गोष्ट कळताच तिच्या पायाखालची जमीनच सरकली. फसवणुकीला बळी पडलेल्या महिलेने पतीविरुद्ध गुन्हा दाखल केला आहे. (Uttar Pradesh Latest News)

हाथरस येथील रहिवासी असलेल्या रीनाचा विवाह 4 जुलै 2022 रोजी बरौली अहिर भागात राहणाऱ्या अंकुर सोबत झाला होता. लग्न झाल्यावर जेव्हा रीना तिच्या सरासरी गेली तेव्हा तिला आपला पती आधीच विवाहित असल्याचे समजले. पहिल्या पत्नीला मूलबाळ होत नसल्याने पहिल्या पत्नीने पतीसोबत दुसरे लग्न लावून दिल्याचे रीनाला समजले.

पीडित महिलेने केलेल्या आरोपावरून नवऱ्याच्या पहिल्या पत्नीचे पोलीस खात्यात तैनात असलेले नातेवाईक तिला धमकावत आहेत. मुलं जन्माला आल्यावर तुला 10 लाख रुपये देतो तसेच त्यानंतर अंकुरला घटस्फोट देऊन तू तुझे दुसरे लग्न करून घे अशी अट घातली आहे. मुलंच्या बदल्यात आम्ही तुला 10 लाख रुपये देऊ असेही सांगण्यात आले.

पीडितेच्या फिर्यादीवरून पोलीस ठाण्यात अगोदरच विवाहित असताना फसवणूक करणे, लग्न करणे या कलमान्वये गुन्हा दाखल करण्यात आला आहे. पोलिसांनी पुरावे गोळा करण्यास सुरुवात केली असून सध्या पोलीस या प्रकरणाचा तपास करत आहेत.