लखनौ: उत्तर प्रदेशातील कुशीनगरमध्ये चॉकलेट खाल्ल्याने ४ मुलांचा मृत्यू झाल्याची घटना समोर आली आहे. एकाचवेळी ४ जणांचा मृत्यू झाल्याने संपूर्ण परिसरात खळबळ उडाली आहे. मृतांमध्ये २ मुले आणि २ मुलींचा समावेश आहे. प्रत्येकाचे वय २ ते ६ वर्षांच्या दरम्यान आहे. ही घटना कसया पोलीस (Police) ठाण्याच्या कुडवा उर्फ दिलीपनगर येथील लातूर टोला येथील आहे. कोणीतरी हे चॉकलेट (Chocolate) दारात फेकल्याचा आरोप मृतांच्या नातेवाईकांनी केला आहे, त्यानंतर या मुलांचा चॉकलेट खाल्याने मृत्यू झाला आहे. मृतांमध्ये ३ मुले एकाच कुटुंबातील आहेत.
हे देखील पहा-
मुख्यमंत्र्यांनी घेतली दखल
या घटनेबद्दल शोक व्यक्त करत उत्तर प्रदेशचे काळजीवाहू मुख्यमंत्री योगी आदित्यनाथ (Chief Minister Yogi Adityanath) यांनी पीडितेच्या कुटुंबाला तातडीने मदत आणि तपास करण्याचे निर्देश दिले आहेत.
विझलेले घराचे दिवे
उपजिल्हाधिकारी वरुण कुमार पांडे यांनी गावकऱ्यांना सांगितले की, कसया पोलीस (Police) स्टेशन हद्दीतील कुडवा उर्फ दिलीपनगर येथील लातूर टोला येथील प्रमुख देवी या सकाळी घराचा दरवाजा झाडून घेत होते. यावेळी त्यांच्याकडे पॉलिथिनमध्ये ५ चॉकलेट आणि ९ रुपये मिळाले होते. त्याने ३ टॉफी आपल्या नातवंडांना आणि १ टॉफी शेजारच्या मुलाला दिली. टॉफी खाऊन ४ मुले खेळायला खूप पुढे गेली होती की ते बेशुद्ध होऊन जमिनीवर पडले आहेत.
ते म्हणाले, 'मुलांना गावकऱ्यांनी जिल्हा रुग्णालयात नेले. जिथे डॉक्टरांनी या मुलांना मृत घोषित केले. मृत मुलांमध्ये मंजना (वय- ५), स्वीटी (वय-३) आणि २ वर्षांचा समर या ३ सख्ख्या भावंडांचा समावेश आहे. शेजारी राहणाऱ्या बालेसर यांचा ५ वर्षांचा एकुलता एक मुलगा अरुण याचाही चॉकलेट खाल्ल्याने मृत्यू झाला.
प्रकरणाचा तपास सुरू आहे
ग्रामस्थांच्या म्हणण्यानुसार चॉकलेटच्या आवरणावर बसलेल्या माश्याही मेल्या. एक चॉकलेट राखीव ठेवले आहे. या प्रकरणाचा तपास सुरू असल्याचे पांडे यांनी सांगितले आहे की. त्याचवेळी, राज्य सरकारच्या प्रवक्त्याने सांगितले की काळजीवाहू मुख्यमंत्री योगी आदित्यनाथ यांनी या घटनेबद्दल शोक व्यक्त केला आहे आणि पीडितेच्या कुटुंबाला तातडीने मदत करण्याची विनंती केली आहे.
Edited By- Digambar Jadhav
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.