Shocking: अर्ध्या रात्री कांड झालं! नवऱ्याच्या प्रायव्हेट पार्टवर ब्लेडनं केले वार, बायको इतकी का संतापली?

उत्तर प्रदेशातील संभल जिल्ह्यातून एक अत्यंत धक्कादायक घटना समोर आली आहे. नवरा-बायकोमधील वादाचे रुपांतर अगदी मारहाणापर्यंत पोहोचले. गुन्नौर पोलीस स्टेशन परिसरातील या प्रकरणात संतप्त झालेल्या पत्नीने आपल्या नवऱ्याच्या प्रायव्हेट पार्टवर ब्लेडने वार करून त्याला गंभीर जखमी केले. जखमी तरुण ओरडू लागल्यावर कुटुंबीय घटनास्थळी धावत आले. त्यांनी रक्तबंबाळ अवस्थेत असलेल्या पतीला तात्काळ रुग्णालयात दाखल केले.

घटनास्थळावरील असलेल्यांच्या म्हणण्यानुसार, पीडिताचे नाव राजू असून तो गुन्नौर परिसरातील रहिवासी आहे. काही वर्षांपूर्वी त्याचे लग्न बदौन जिल्ह्यातील मिर्झापूर गावातील एका महिलेशी झाले होते. पोलिसांच्या माहितीनुसार, शुक्रवारी रात्री उशिरा त्या दोघांमध्ये वाद झाला आणि त्या वादाचे रूपांतर हिंसक मारहाणीत झाले. संतापाच्या भरात पत्नीने ब्लेडने हल्ला केला. ज्यामुळे राजू गंभीर जखमी झाला.

जखमी अवस्थेत राजूला प्रथम गुन्नौर येथील सामुदायिक आरोग्य केंद्रात नेण्यात आले. जिथे प्राथमिक उपचारानंतर त्याला अलीगढ येथील जवाहरलाल नेहरू मेडिकल कॉलेजमध्ये रेफर करण्यात आले. डॉक्टरांनी त्याची प्रकृती गंभीर असल्याचे सांगितले आहे.

राजूच्या कुटुंबातील सदस्यांनी पोलिसांना सांगितले की लग्नानंतरपासूनच या जोडप्यात सतत वाद आणि मतभेद होत होते. अनेकदा घरात वाद वाढत असत, परंतु यावेळी परिस्थिती नियंत्रणाबाहेर गेली आणि हल्ल्यापर्यंत पोहोचली. गुन्नौर पोलीस स्टेशनचे प्रभारी निरीक्षक यांनी सांगितले की हे प्रकरण अतिशय गंभीर असून सध्या तपास सुरू आहे. आरोपी पत्नी घटनास्थळावरून फरार झाली आहे, आणि तिच्या शोधासाठी पोलिसांनी पथक तैनात केले आहे.