युद्धभूमीवर शत्रूविरोधात AIचा वापर, तेहरानवरील हल्ल्यांमागे AI चा सल्ला

युद्ध आता केवळ गोळ्यांनी, तोफांनी आणि क्षेपणात्र हल्ल्यांनीच लढलं जात नाही, तर ते 'कोडिंग' आणि 'अल्गोरिदम'नं लढलं जातंय. अमेरिकेचे राष्ट्राध्यक्ष डोनाल्ड ट्रम्प यांनी नुकतीचं एका सॉफ्टवेअर कंपनीची प्रशंसा केली आणि जगभरात चर्चेला उधाण आलंय. ती कंपनी म्हणजे 'पॅलँटिर'..... इराण युद्धात अमेरिकेनं ज्या पद्धतीने कृत्रिम बुद्धिमत्तेचा म्हणजेच AI चा वापर केला, त्यानं युद्धतंत्राची व्याख्याच बदलून गेलीय...इराणची राजधानी तेहरानवरील हल्ल्यासाठी अमेरिकेनं युद्धात वापरलेली 'मेव्हेन स्मार्ट सिस्टम काय आहे? पाहुयात...

28 फेब्रुवारीला तेहरानवर हल्ल्यासाठी अमेरिकेनं पेंटागॉनच्या देखरेखीखाली एका सॉफ्टवेअर प्रोग्राम तयार केला. त्यातून हजारो सॅटेलाइट प्रतिमा आणि ड्रोन व्हिडिओ फिल्टर करून अमेरिकन कमांडर्ससाठी 1 हजार हून अधिक हल्ल्यांचे पर्याय तयार केले... रणांगणावरील वाहने, शस्त्रे आणि गुप्त तळ ओळखणे, त्यांचा मागोवा घेणे आणि त्यांचे वर्गीकरण करणे ही मेव्हेन स्मार्ट सिस्टमची मुख्य कामे आहेत. शत्रूचे लक्ष्य शोधण्यासाठी या AI तंत्रज्ञानामुळे एका मिनिटापेक्षा कमी वेळेवर लागतो...

त्यामुळे अमेरिकी सैन्य बहुतांश युद्धात या AI तंत्रज्ञानाचा वापर करतयं...हे तंत्रज्ञान हल्ला कुठे करायचा आणि हल्ल्यासाठी किती पुरवठा आवश्यक आहे? हे कमांडर्सना आगाऊ सांगितले जाते...गेल्या वर्षीच या AI कंपनीला अमेरिकन सैन्याकडून 10 अब्ज डॉलर्सचं मोठं कंत्राट देण्यात आलयं..

विशेष म्हणजे पॅलँटिर कंपनीच्या या सॉफ्टवेअरची माहिती काही वर्षांपूर्वी वॉशिंग्टनबाहेर कोणाला नव्हती तेच AI सॉफ्टवेअर आज अमेरिकन सैन्याचा कणा बनलाय. युद्धात तंत्रज्ञान हवं की नको, हा वाद आता मागे पडलाय. आता प्रश्न हा आहे की, विनाशाची बटणं जेव्हा कृत्रिम बुद्धिमत्तेच्या हातात जातात, तेव्हा माणुसकीचं काय? पॅलँटिरच्या मेव्हेन सिस्टीमने जगाला भविष्यातील युद्धाची झलक इराण- अमेरिका संघर्षात दाखवलीय. हे तंत्रज्ञान जगाला विनाशाच्या उंबरठ्यावर घेऊन जाईल, अशी भिती व्यक्त होतेय. त्यामुळे युद्ध नको शांतता हवी असाच सूर जगाच्या पाठीवर अनेक ठिकाणी उमटतोय.