UP Kanwariyas: हायटेन्शन वायरचा शॉक लागून ५ कावड यात्रेकरूंचा मृत्यू; संतप्त भाविकांनी रस्ता अडवला

नवी दिल्ली: उत्तर प्रदेशच्या मेरठमधून धक्कादायक घटना समोर आली आहे. हायटेन्शन वायरचा शॉक लागून ५ कावड यात्रेकरूंना मृत्यू झाला आहे. तर अनेक जण जखमी झाले आहेत. या घटनेने मेरठमध्येच एकच खळबळ उडाली आहे. (Latest Marathi News)

मिळालेल्या माहितीनुसार, उत्तर प्रदेशच्या मेरठमध्ये हायटेन्शन वायरच्या संपर्कात येऊन मोठी दुर्घटना घडली आहे. या कावड यात्रेकरूंच्या डीजे ट्रॉलीच्या गाडीवर हायटेन्शन वायर अडकली. त्यामुळे कावड यात्रेकरूंना वीजेचा धक्का बसला. या दुर्घटनेत ५ जणांचा मृत्यू झाला तर काही भाविक जखमी झाले आहेत.

या भयंकर दुर्घटनेनंतर अनेक भाविकांनी संतप्त भूमिका घेतली. त्यानंतर काही यात्रेकरूंनी रस्ता अडवला. या दुर्घटनेनंतर अनेकांनी वीज अधिकाऱ्यांवर निष्काळजीपणाचा आरोप केला आहे. घटनेची माहिती मिळाल्यानंतर पोलीसही घटनास्थळी दाखल झाले.

नेमकं काय घडलं?

मेरठच्या राली चौहान गावात के कावड यात्रेकरू शनिवारी रात्री ८ वाजण्याच्या सुमारास कावड घेऊन पोहोचले होते. त्यावेळी डीजेही जोरदार वाजत होता. या कावड यात्रेकरूंनी गावात प्रवेश केला, त्यावेळी डीजे ट्रोलीवर गावातील हायटेन्शन वायर पडली. यामुळे हायटेन्शन वायरचा शॉक लागून ५ जणांचा मृत्यू झाला.

या घटनेमुळे परिसरात एकच गोंधळ निर्माण झाला. गावातील लोक यानंतर जखमी कावड यात्रेकरूंना घेऊन रुग्णालयात घेऊन गेले. गावकऱ्यांनी रुग्णालयात १२ जखमी कावड यात्रेकरूंना दाखल केले आहे.