उन्नाव: उत्तर प्रदेश (Uttar Pradesh) पोलिसांना उन्नावमध्ये एका तरुणीचा मृतदेह सापडला आहे. या तरुणीच्या हत्येचा आरोप (Allegations) समाजवादी पक्षाचे माजी मंत्री फतेह बहादूर सिंह यांचा मुलगा राजोल सिंह याला पोलिसांनी (Police) अटक (Arrested) केली आहे. (unnao dalit girl killed by former ministers son samajwadi party uttar pradesh)
हे देखील पहा-
आरोपीच्या नावे असलेल्या एका प्लॉटमध्ये हा मृतदेह जमिनीत गाढण्यात आला असून पोलिसांनी मृतदेह ताब्यात घेऊन तो शवविच्छेदनासाठी पाठविण्यात आला आहे. एसपी शशी शेखर सिंह यांनी दिलेल्या माहितीनुसार की, 8 डिसेंबर दिवशी या प्रकरणी एफआयआर (FIR) नोंदवून आरोपीला अटक करण्यात आली होती.
तपासानंतर मृतदेह ताब्यात घेण्यात आला आहे. आता शवविच्छेदन अहवाल समोर आल्यावरच या प्रकरणाची अधिक माहिती समोर येणार आहे. मृतदेह ताब्यात आल्यानंतर मुलीच्या कुटुंबीयांची अवस्था दयनीय झाली आहे.
मृत मुलीच्या आईने दिलेल्या माहितीनुसार की, राजोल सिंहने तिच्या मुलीला जबरदस्तीने सोबत घेऊन गेले होते. इतके दिवस पोलिसांनी योग्य कारवाई केली नाही. एसपी उन्नाव यांनी दिलेल्या माहितीनुसार, मृत तरुणीचे वय सुमारे 22 वर्षे आहे. पोलिसांची 2 पथके या प्रकरणाचा तपास करत आहेत. पोलिसांच्या चौकशीत आरोपीने अनेक खुलासे केले आहेत.
Edited By- Digambar Jadhav
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
