Union Minister Attack: मोदींच्या मंत्र्यांवर जनता दरबारमध्ये हल्ला, तरुणाकडून धक्काबुकी, नेमकं प्रकरण काय?

एनडीए सरकारमधील केंद्रीय वस्त्रोद्योग मंत्री आणि भारतीय जनता पक्षाचे खासदार गिरिराज सिंह यांच्यावर हल्ला झाल्याची घटना समोर आली आहे. बिहारमधील बेगुसरायमध्ये येथे ही घटना घडली. बलिया येथे शनिवारी जनता दरबाराचे आयोजन करण्यात आले होते. त्यात केंद्रीय मंत्री गिरीराज सिंह सहभागी झाले होते. याचवेळी एका तरुणाने त्यांच्यावर हल्ला करण्याचा प्रयत्न केला, त्यानंतर त्याला सुरक्षारक्षकांनी तात्काळ ताब्यात घेतले.

मिळालेल्या माहितीनुसार, केंद्रीय मंत्री गिरिराज सिंह बलिया उपविभागात लोकांना भेटून लोकांच्या अडचणी ऐकत होते, त्याचवेळी सैफी नावाचा एक मुस्लिम तरुण तेथे आला आणि त्याने आधी माईक ताब्यात घेतला आणि अश्लील वक्तव्य करण्यास सुरुवात केली. त्याला भाजप कार्यकर्ते आणि नागरिकांनी याचा निषेध केला असता आरोपी तरुणाने गिरीराज सिंह यांना धक्काबुक्की केली. मात्र, घटनास्थळी उपस्थित असलेल्या सुरक्षा कर्मचाऱ्यांनी त्यांना वाचवले. तसेच हल्लेखोर तरुणाला तात्काळ ताब्यात घेतले.

स्वत:वर झालेल्या हल्ल्यानंतर केंद्रीय मंत्री गिरीराज सिंह यांनी विरोधकांवर निशाणा साधला आहे. बिहारमध्ये तेजस्वी यादव आणि उत्तर प्रदेशमध्ये अखिलेश यादव यांच्यासारख्या लोकांच्या पाठिंब्यामुळे स्वत:ला कट्टरवादी मुस्लिम म्हणवणाऱ्या लोकांचे मनोबल वाढले असून ते एका खासदारावरही हल्ला करण्यास मागे हटत नाहीत, गिरीराज सिंह म्हणाले.

तसेच त्याची दाढी आणि टोपी पाहून त्यांची काळजी घेणाऱ्या लोकांनी आज बेगुसराय, बिहारसह संपूर्ण देशात लँड जिहाद, लव्ह जिहाद आणि जातीय तेढ कसे निर्माण केले जात आहे ते पहावे, आम्ही अशा घटनांना घाबरत नाही. हिंदूंना त्यांच्या सुरक्षेसाठी आणि सनातन धर्माच्या रक्षणासाठी संघटित व्हावे लागेल, अन्यथा अखिलेश यादव, तेजस्वी यादव आणि राहुल गांधी यांच्यासारखे लोक भारताला इस्लामिक देश बनवतील, असेही ते यावेळी म्हणाले.