Twitter Down : ट्विटर सर्व्हर डाऊन, ट्वीट केल्यास यूजर्सना मिळतोय एक मेसेज

Twitter Down News: जगभरातील अनेक देशांमध्ये ट्विटर डाऊन झाले आहे. ट्विटर सपोर्टने ट्विट करून ही माहिती दिली. हजारो यूजर्सनी त्यांचं ट्विटर सुरु नसल्याची माहिती दिली, त्यांतर ट्विटरकडून ही माहिती देण्यात आली आहे.

नवीन ट्वीट करण्याचा प्रयत्न केल्यास यूजर्सना एक पॉप-अप मिळत आहे. तुम्ही ट्विट्स पाठवण्याची दैनिक मर्यादा ओलांडली आहे, असा एरर अनेकांना येत आहे. दरम्यान ट्विटरच्या सपोर्ट टीमने ही अडचण लवकर दूर असं सांगितलं आहे. तांत्रिक अडचण समजली आहे आणि त्याचे निराकरण करण्यासाठी काम सुरु असल्याचं टेक टीमने सांगितलं.

ट्विटरचे सीईओ इलॉन मस्क यांनी अमेरिकेतील युजर्सना 4 हजार शब्दांपर्यंत ट्विट करण्याची सुविधा सुरू केल्यावर ट्विटरमध्ये ही अडचण आल्याचे बोलले जात आहे.