कोलकाता : पश्चिम बंगालमध्ये विधानसभा निवडणुकीनंतर ठिकठिकाणी झालेल्या हिंसाचारामुळे ममता बॅनर्जी सरकार विरोधकांच्या निशाण्यावर आहे. भाजप (BJP) आणि तृणमूल काँग्रेस (TMC) यांच्यातील लढत विधानसभेपर्यंत पोहोचली आहे. सोमवारी बंगाल विधानसभेत भाजप (BJP) आणि तृणमूल काँग्रेसच्या आमदारांमध्ये जोरदार हाणामारी झाली आहे. या भांडणात भाजप आमदार असित मजुमदार जखमी झाले आहेत. त्यांना उपचारासाठी रुग्णालयात दाखल करण्यात आले आहे.
पश्चिम बंगालमध्ये सोमवारी विधानसभेचे अधिवेशन बोलावण्यात आले होते. विधानसभेचे कामकाज सुरू होताच भाजप आमदारांनी टीएमसी सरकारवर आरोप केले. राज्यातील हिंसाचार आणि कायदा व सुव्यवस्थेबाबत प्रश्न उपस्थित केले. अधिवेशनाच्या सुरुवातीला विरोधी पक्षनेते शुभेंदू अधिकारी यांनी बोलण्यास सुरुवात केली.
विरोधी पक्षनेत्याच्या भाषणादरम्यान टीएमसीने गोंधळ सुरू केला. दुसरीकडे भाजप आमदारांनीही घोषणाबाजी सुरू केली. यावेळी दोन्ही बाजूंनी जोरदार वादावादी व घोषणाबाजी झाली. आमदार जागेवरून उठून वेलमध्ये आले. ते एकमेकांना धक्काबुक्की करू लागले. उपस्थित सुरक्षा कर्मचाऱ्यांनी त्यांना शांत करण्याचा प्रयत्न केला असता त्यांनाही मारहाण करण्यात आली.
यावेळी विरोधकांनी कागदाचे तुकडे फाडून सभापती यांच्यावर टाकले असल्याचा आरोप करण्यात आला आहे. घंटानाद करून घोषणाबाजी व मारहाणहा झाल्याचा आरोप आहे. यावेळी आमदार नरहरी महतो खाली पडले. आपले कपडे फाडून मारहाण केल्याचा आरोप भाजप आमदार मनोज तिग्गा यांनी केला आहे. तर दुसरीकडे भाजप (BJP)आमदार असित मजुमदार जखमी झाले आहेत. त्यांना रुग्णालयात दाखल केले आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
