अक्षय गवळी, साम टीव्ही प्रतिनिधी
अकोला : अकोल्यातून चारधाम यात्रेसाठी गेलेल्या तिघांवर काळाने घाला घातला आहे. श्रीनगरमध्ये झालेल्या भीषण अपघातात तिघांचा मृत्यू झाला आहे. या अपघातातील मृतांमध्ये दोन महिलांसह एका पुरुष भाविकांचा समावेश आहे. तिघांच्या मृत्यूने तेल्हारा येथील कुटुंबावर दु:खाचा डोंगर कोसळला आहे.
अकोला जिल्ह्यातील तेल्हारा येथील चारधाम यात्रेसाठी गेलेल्या भाविकांचा अपघातात दुर्दैवी मृत्यू झाला आहे. श्रीनगर येथे ट्रक आणि कारच्या अपघातात तिघेजण ठार झाले आहेत. मृतांमध्ये अकोल्यातील दोन महिलांसह एका पुरूषाचा समावेश आहे. अमरनाथचं दर्शन करून आले. त्यानंतर श्रीनगरमध्ये त्यांचा अपघात झाला.
अपघातात तेल्हारा शहरातील भैय्या किराणावाले यांच्या घरातील दोन महिलांचा समावेश आहे. तसेच या अपघातात चार जण जखमी झाल्याची माहिती मिळाली आहे. या अपघातातील जखमींवर श्रीनगरच्या शासकीय रुग्णालयात उपचार सुरू आहेत. या भीषण अपघातात तिघांचा मृत्यू झाल्याने तेल्हारा गावात शोककळा पसरली आहे.
पुणे बेंगळरु महामार्गावर एसटीचा अपघात झाला. सातारा जिल्ह्यातील पाचवड या ठिकाणी अपघाताची घटना घडली. पुण्यावरून बस कोल्हापूरच्या दिशेने चालली होती. पलूस डेपोच्या एसटी बसला अचानक आग लागली एसटीला आग लागल्यानंतर एका दुचाकीलाही आग लागली. या दुर्घटनेत दुचाकीवरील व्यक्ती आगीत होरपळला. या व्यक्तीविषयी अद्याप अधिक माहिती मिळू शकली नाही. एसटी बसच्या आगीच्या घटनेनंतर परिसरात एकच खळबळ उडाली.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.