भारताच्या दबावामुळे पाकिस्तानातील पाडलेले 'हिंदू मंदिर' बांधायला सुरुवात

पाकिस्तानच्या पंजाब प्रांतात हिंदू मंदिर (Hindu temples Demolished) पाडल्यानंतर भारतात आक्रमक झाला आहे. पाक सरकारची (Pakistan Government) झोप उडाली आहे, आणि पंजाब पोलिसांनी 150 कट्टरपंथी मुस्लिमांवर गुन्हा दाखल केला आहे. यापैकी 50 जणांना अटक करण्यात आली आहे. या घटनेसंदर्भात भारताच्या तीव्र प्रतिक्रिया आल्यानंतर तेथील सुप्रीम कोर्टाने दखल घेतली आणि कारवाईचे निर्देश दिले आहेत. बुधवारी पंजाब प्रांतातील रहीम यार खान जिल्ह्यातील भोंग येथील भव्य गणेश मंदिरावर एका उन्मादी जमावाने हल्ला केला. मंदिराची मोठ्या प्रमाणावर तोडफोड आणि आग लावण्यात आली.

सर्वोच्च न्यायालयाच्या निर्देशानुसार मंदिराच्या पुनर्बांधणीचे कामही सुरू करण्यात आले आहे. पाकिस्तानच्या सर्वोच्च न्यायालयाने सरकारी संस्थांनी मंदिरावरील हल्ला थांबवला नाही अशी टीका केली होती. सर्वोच्च न्यायालयाचे मुख्य न्यायाधीश गुलजार अहमद यांनी टिप्पणी केली आहे की मंदिर तोडफोडमुळे देशाची बदनामी झाली आहे आणि पोलिसांनाही बघ्याची भूमिका घेतली आहे. 13 ऑगस्ट रोजी सर्वोच्च न्यायालयात या प्रकरणाची सुनावणी होणार आहे.

या दबावानंतर पाकिस्तानचे पंतप्रधान इम्रान खान यांनीही या घटनेवर टीका केली आणि पोलिसांना कारवाई करण्याचे निर्देश दिले. पोलिसांनी सांगितले की, मंदिरावरील हल्ल्याच्या संदर्भात दहशतवाद आणि इतर कलमांखाली गुन्हा दाखल करण्यात आला आहे. यामध्ये 150 लोकांना नामांकित करण्यात आले आहे. पंजाबचे मुख्यमंत्री उस्मान बुजदार यांनी म्हटले आहे की, व्हिडिओच्या आधारे ओळख पटल्यानंतर या लज्जास्पद घटनेत 50 जणांना अटक करण्यात आली आहे.

पाकिस्तानच्या संसदेनेही या प्रकरणावर टीका केली आहे. पाकिस्तानी संसदेने मंदिरावर हल्ला आणि तोडफोडीचा निषेध न करता एक ठराव मंजूर केला. अधिकृत माहितीनुसार, पाकिस्तानमध्ये 75 लाख हिंदू राहतात, तर समुदायाच्या माहितीनुसार त्यांची संख्या 90 लाख आहे.

Edited By: Pravin Dhamale