Accident; बस- कंटेनरचा भीषण अपघात; जागीच 7 ठार, 13 जखमी

भोपाळ : मध्य प्रदेशच्या भिंड जिल्ह्यामध्ये आज सकाळच्या सुमारास भीषण अपघात झाला आहे. येथील राष्ट्रीय महामार्ग ७१९ (NH ७१९) वर बस आणि कंटेनरची जोरदार समोरासमोर धडक झाली आहे. या भीषण दुर्घटनेमध्ये ७ जणांचा जागीच मृत्यू झाला आहे. तर १३ जण जखमी झाले आहेत.

हे देखील पहा-

जखमींना रुग्णालयात दाखल करण्यात आले आहे. दरम्यान, स्थानिक पोलीस प्रशासनाने घटनास्थळी धाव घेतली आहे. मृतामध्ये एका महिलेचाही देखील समावेश आहे. जखमींना गोहद येथील रुग्णालयात दाखल करण्यात आले आहे. गोहद चौक ठाणे परिक्षेत्रात डॉग बिरखडी या ठिकाणी ही घटना घडली आहे. मिळालेल्या माहितीनुसार, एक बस ग्वाल्हेरहून बरेलीला जात होती.

जेव्हा बस गोहदच्या डांग डोंगरावर पोहोचली, त्यावेळेस बस डंपरला जाऊन धडकली आहे. या अपघातात एका महिलेसह एकूण ७ जणांचा जागीच मृत्यू झाला आहे. त्याचवेळेस १३ लोक गंभीररित्या जखमी झाले आहेत. घटनेची माहिती मिळताच एसपीसह पोलिसांचा मोठ्या प्रमाणात फौजफाटा रुग्णालयात पोहोचला आहे.

Edited By- Digambar Jadhav