Taliban Ban On Women: तालिबानचा आणखी एक अजब फतवा; महिलांना रेस्टॉरंटमध्ये जाण्यास बंदी

Taliban Ban On Women In Restaurants : तालिबानने अफगाणिस्तानवर ताबा मिळवल्यापासून येथील नागरीकांचे जगणे मुश्किल झाले आहे.  तालिबान आल्यापासून अफगाणिस्तानामध्ये महिलांची अवस्था बिकट होत चालली आहे.

नुकताच तालिबानकडून आणखी एक फतवा काढण्यात आला आहे. यात फतव्यानुसार महिलांना आता गार्डन रेस्टॉरंटमध्ये जाण्यास मनाई करण्यात आली आहे. इतकेच नाही तर या फतव्यानुसार महिलांना या ठिकाणी सह कुटुंब देखील जाता येणार नाही.   (Latest Marathi News)

तालिबान (Taliban) सरकारने एक निवेदन जारी करून म्हटले आहे की, इस्लामिक गुरू आणि लोकांच्या सल्ल्यानुसार, गार्डन रेस्टॉरंटमध्ये (Hotel) महिलांच्या प्रवेशावर बंदी घालण्यात आली आहे. काही लोकांच्या तक्रारीवरून असे पाऊल उचलण्यात आल्याचे तालिबानने म्हटले आहे. अशा ठिकाणी महिला आणि पुरुष एकत्र असतात आणि महिला हिजाब घालत नसल्याच्या तक्रारी प्राप्त झाल्या होत्या त्यामुळे हा निर्णय घेण्यात आला आहे.

गर्भनिरोधक गोळ्यांवर बंदी

मुस्लिम लोकसंख्येवर नियंत्रण ठेवण्यासाठी गर्भनिरोधक गोळ्यांचा वापर केला जातो, असे तालिबानला वाटते. यासाठी त्यांनी घरोघरी जाऊन ही औषधे कोणत्याही परिस्थितीत वापरू नयेत, असा इशारा दिला होता. दुकानदारांनाही धमकावण्यात आले आहे, असे कोणत्याही गोळीची विक्री करू नये. मुस्लिम लोकसंख्येवर नियंत्रण ठेवण्याचे पाश्चात्य देशांचे षडयंत्र आहे. त्यामुळे तालिबानी हा निर्णय घेतल्याचे स्पष्ट केले होते.

मुलींच्या शिक्षणावर बंदी

अफगाणिस्तानमधील खासगी विद्यापीठांमध्ये शिकणाऱ्या मुलींना विद्यापीठाच्या प्रवेश परीक्षेला बसण्यास मनाई करण्यात आली होती. या आदेशाचे पालन न करणाऱ्या विद्यापीठांवर कठोर कारवाई करण्याचेही सांगण्यात आले. याआधीही महिलांना उद्यानात जाण्यास आणि जिममध्ये जाण्यास बंदी घालण्यात आली आहे.

महिलांच्या मीडियामध्ये काम करण्यावर बंदी

अफगाणिस्तानात तालिबान सरकारने शालेय शिक्षणाला फटका बसल्यानंतर माध्यम क्षेत्रातील महिलांवर अनेक निर्बंध लादले. तालिबानकडून मीडियाला स्पष्टपणे सांगण्यात आले की पुरुषांसोबत कोणतीही महिला अँकर शो होस्ट करणार नाही, तर कोणत्याही महिला पाहुण्याला शोमध्ये आमंत्रित केले जाणार नाही.