Nupur Sharma : सर्वाेच्च न्यायालयाचा नुपूर शर्मा यांना माेठा दिलासा

आज शर्मा यांच्या याचिकेवर सुनावणी झाली.

Nupur Sharma Saam TV

नवी दिल्ली : मोहम्मद पैगंबर यांच्याबाबत वादग्रस्त वक्तव्याबद्दल देशभरात गुन्हा दाखल झालेल्या नुपुर शर्मा (nupur sharma) यांना आज (मंगळवार) सर्वाेच्च न्यायालयात (supreme court) दिलासा मिळाला आहे. शर्मा यांच्या विराेधात देशभरात नोंदवण्यात आलेले सर्व तक्रारीतून त्यांना अटकेपासून सरंक्षण मिळाले आहे. (nupur sharma latest marathi news)

शर्मा यांच्यावतीने त्यांच्या विराेधातील सर्व एफआयआर रद्द करा अथवा त्या वेगवेगळ्या ठिकाणच्या सर्व एफआयआर एकत्रित करुन त्या दिल्लीला हस्तांतरित करा या दाखल केलेल्या याचिकेवर न्यायमूर्ती सूर्य कांत (Surya Kant) आणि न्यायमूर्ती जेबी पार्डीवाला (JB Pardiwala) यांनी शर्मांना दिलासा दिला आहे.

मुलाच्या वाढदिवसादिवशी कुटुंबावर काेसळला डाेंगर; स्विमिंग टॅंकमध्ये पडून चिमुकल्याचा मृत्यू

अंतरिम उपाय म्हणून नुपूर शर्मा यांच्यावर तूर्तास कोणतीही कारवाई केली जाऊ नये असे निर्देश खंडपीठाने दिले आहेत. सर्व एफआयआर रद्द करण्यासाठी शर्मा यांना हायकोर्टात जाण्याची परवानगी देण्याचा पर्याय असल्याचे न्यायालयाने नमूद केले.

Supreme Court issues notice to respondents on the Nupur Sharma plea. Supreme Court directs no coercive action should be taken against Nupur Sharma.
— ANI (@ANI) July 19, 2022

Nashik : ...तर राम सेतू पूल पाडावा लागेल : महापालिका आयुक्त

दरम्यान यापुर्वी सर्वोच्च न्यायालयाने शर्मा यांना फटकारलं हाेते. तुमच्या वक्तव्यामुळे देशातील वातावरण बिघडले आहे, असं म्हणत न्यायालयाने बेजबाबदार विधानबाबत टीव्हीवर जाऊन माफी मागावी असे निर्देश दिले हाेते. त्यानंतर शर्मा हिने संबंधित याचिका पुनरुज्जीवित करण्याची मागणी या याचिकेच्या माध्यमातून केली हाेती.