Scam in Name of CJI : सायबर गुन्हेगारीची प्रकरणा दररोज कानावर येत असतात. पण दिल्लीमधील प्रकरणामुळे तुम्हीही चकीत व्हाल. राजधानी दिल्लीमध्ये सरन्यायाधीश (Supreme Court) डीवाय चंद्रचूड यांच्या नावाने फसवणूक होत असल्याचं समोर आलेय. सायबर गुन्हेगाराची हिमंत इतकी वाढली की देशाचे सरन्यायाधीश चंद्रचूड (CJI DY Chandrachud ) यांच्या नावाने पैसे लुटले आहेत. याप्रकरणी सुप्रीम कोर्टाने तात्काळ अॅक्शन घेतली आहे. गुन्हा दाखल करण्यात आला असून चौकशी सुरु आहे.
फोनकॉल आणि मेसेज पाठवून फसवणूक केल्याची प्रकरणं आता रोजची झाली आहेत. सरन्यायाधीश चंद्रचूड यांच्या नावाचा बनावट मेसेज व्हायरल होत आहे. ज्यामध्ये कॅब बूक करण्यासाठी पैसे मागितले जात आहेत. व्हायरल होणाऱ्या पोस्टनुसार सरन्यायाधीश डीवाय चंद्रचूड असल्याचा दावा करणाऱ्या व्यक्तीने ५०० रुपयांची फसवणूक करण्याचा प्रयत्न केला आहे.
नमस्कार, मी सरन्यायाधीश आहे. माझी कॉलेजियमची महत्त्वाची बैठक आहे, पण मी कॅनॉट प्लेसमध्ये अडकलो आहे, तुम्ही कॅबसाठी 500 रुपये पाठवू शकता का? कोर्टात पोहोचल्यानंतर मी पैसे परत करेन.
आशा प्रकारचा एक मेसेज सोशल मीडियावर व्हायरल होत आहे. या व्हायरल पोस्टची सर्वोच्च न्यायालयाने आता दखल घेतली असून सरन्यायाधीशांच्या निर्देशानुसार सायबर फसवणुकीची तक्रार दाखल केली आहे.
सरन्यायाधीश यांच्या नावाने फसवणूक होत असल्याची व्हायरल पोस्ट समोर येताच सर्वोच्च न्यायालयाने स्वतः दखल घेतली आहे. सरन्यायाधीशांच्या निर्देशानुसार सायबर फसवणुकीची तक्रार दाखल करण्यात आली. सायबर पोलिसांनी याप्रकरणाचा तपास सुरु केला आहे.
सायबर फसवणुकीची आतापर्यंत अनेक प्रकरणे उघडकीस आली आहेत. ज्यामध्ये गुन्हेगारांकडून वापरल्या जाणाऱ्या विविध डिजिटल पद्धतींचा शिकार झालेल्या लोकांचे लाखो रुपयांचे नुकसान झालेय. देशात या प्रकरणामध्ये दिवसांदिवस वाढ होत आहे. ३० मे रोजी आरबीआयने जारी केलेल्या वार्षिक अहवालानुसार बँकांद्वारे नोंदवलेल्या आर्थिक फसवणुकीच्या संख्येत झपाट्याने वाढ झाली आहे. 2023-24 या आर्थिक वर्षात वार्षिक 166 टक्क्यांनी वाढ झाली आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.