सलीम कुत्तासोबत पार्टी केल्याच्या आरोपामुळे बडगुजरांविरोधात विधानसभेत रणकंदन माजलं.. मात्र याच सुधाकर बडगुजर यांनी नाट्यमय घडामोडीनंतर अखेर भाजपात प्रवेश केलाय... ठाकरे गटाचा राजीनामा दिल्यानंतर नाशिकच्या आमदार सीमा हिरेंचा विरोध असतानाही मंत्री गिरीश महाजनांच्या मध्यस्थीने सुधाकर बडगुजर, बबनराव घोलप, भाजप प्रवेश निश्चित झाला.. तर शक्तीप्रदर्शन करत बडगुजर मुंबईत दाखल झाले. मात्र त्याविषयी भाजप नेतेच अनभिज्ञ असल्याचं समोर आलं.
बऱ्याच नाट्यमय घडामोडीनंतर बडगुजर भाजपात दाखल झाले... तर सकाळी अनभिज्ञ असलेले भाजप नेतेच पुष्पगुच्छ घेऊन बडगुजरांच्या स्वागताला हजर होते.
तर विरोधकांनी मात्र भाजपच्या जुन्या आरोपांची आठवण करुन देत भाजपचीच कोंडी केलीय. नाशिक महापालिका निवडणुकीपूर्वी ठाकरे गटाचे माजी शहरप्रमुख सुधाकर बडगुजर, माजी मंत्री बबनराव घोलप, मनसे नेते अशोक मुर्त़डक यांनी भाजपात प्रवेश केलाय..
त्यामुळे आता आपणच केलेल्या आरोपांमुळे प्रतिमा मलिन झालेल्या बडगुजर यांना सोबत घेऊन भाजप नाशिक महापालिकेत 100 पार जाणार की बडगुजर यांचा भाजपलाच फटका बसणार? याकडे राज्याचं लक्ष लागलंय.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.