Sleeping In Office: कामावर डुलकी, फिकर नॉट! कामाच्या ठिकाणी झोपणं गुन्हा नाही: हायकोर्ट

तेजल नागरे, साम प्रतिनिधी

कार्यालयात कामाच्या वेळेत अनेकांना डुलकी लागते. दरम्यान अशी ऑन ड्युटी डुलकी दिल्याने अनेकांवर कारवाईही होतेय. पण आता कामाच्या ठिकाणी बिनधास्त झोपा. कारण आता कामावर असताना झोपणे हा काही गुन्हा ठरणार नाही .संविधानानुसार सर्व लोकांना झोपण्याचा, आराम करण्याचा अधिकार असल्याचं खुद्द आता न्यायालयानंचं नमुद केलंय.

कर्मचाऱ्यांवर कामाचा मोठा ताण असल्यानं झोपण्याच्या अधिकाराचे महत्त्व आणि शिफ्टमध्ये काम करत असलेल्यांच्या जीवन संतुलनाबाबत न्यायालयानचं आता दखल घेतली आहे. याला कारण ठरलंय कर्नाटकातील एक केस. कर्नाटकात एक कॉन्स्टेबल ऑन ड्यूटी झोपल्याने त्याला निलंबित करण्यात आलं होतं.याच प्रकरणाची सुनावणी करताना न्यायालयाने झोपेच्या महत्त्वासह कामाचा अतिरिक्त ताण आणि कामाच्या वेळा यासंदर्भातही निर्देश दिले आहेत.

त्यामुळे आता कामाच्या ठिकाणी तुम्हाला डुलकी घेण्यासाठी कायद्यानं मान्यता मिळालेली असली तरी ऑफीसमधल्या तुमच्या कामावर याचा परिणाम होणार नाही याची काळजी तुम्हालाच घ्यावी लागेल.