मोदी सरकारने बोलावलेल्या संसदेच्या विशेष अधिवेशनाला आजपासून सुरुवात झाली आहे. हे अधिवेशन पाच दिवस चालणार असून या अधिवेशनात एकूण 8 विधेयके मांडण्यात येणार आहेत. संसदेच्या नवीन इमारतीमध्ये हे सत्र भरवण्यात येत उद्यापासून नव्या संसदेत काम सुरू होणार आहे. आजचे कामकाज जुन्याच संसदेत पार पडले. यावेळी बोलताना पंतप्रधान मोदी यांनी संसदेतील अनेक आठवणींना उजाळा दिला.
काय म्हणाले पंतप्रधान मोदी?
"आपण ऐतिहासिक संसद भवनातून निरोप घेत आहे. आज जुन्या भवनात शेवटचा दिवस आहे. असे म्हणत आजचा दिवस भावनिक क्षण असल्याचे पंतप्रधान मोदींनी सांगितले. जुने घर सोडून नवीन घरात जातो तेव्हा जुन्या आठवणी जाग्या होतात, तशीच आजची भावना असल्याचे सांगत या 75 वर्षांत स्वतंत्र भारताच्या पुनर्रचनेशी संबंधित अनेक घटना या सभागृहातून पार पडल्या. " असे मोदी यावेळी म्हणाले.
ही लोकशाहीची ताकद...
"संसदेत पहिल्यांदा पाऊल ठेवलेला क्षण माझ्यासाठी सर्वात भावनिक होता. रेल्वे प्लॅटफॉर्मवर उदरनिर्वाह करणारा माणूस संसदेत पोहोचेल. एक दिवस संपूर्ण देश माझ्यावर इतकं प्रेम करेल असं मला कधीच वाटलं नव्हतं," असे म्हणत ही भारताच्या लोकशाहीची ताकद असल्याचे पंतप्रधान मोदी म्हणाले.
पंडीत नेहरुंचाही उल्लेख...
आपण नव्या भवनात भलेही जाऊ पण जुनं संसद भवन देखील येणाऱ्या पिढ्यांना कायम प्रेरणा देत राहिलं. हा भारताच्या लोकशाहीच्या स्वर्णिम प्रवासाचा भाग आहे. पंतप्रधान नेहरु (Jawaharlal Nehru) मनमोहनसिंग (Manmohan Singh) यांचेही या संसदेत मोठे योगदान आहे, असे ते यावेळी म्हणाले. (Latest Marathi News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.