Shocking : नणंद देखण्या वहिनीच्या प्रेमात, घर सोडून दोघी पळाल्या; WhatsApp चॅट्समुळे सत्य आलं समोर

आपण अनेकदा टेलिव्हिजनवरील मालिकांमध्ये वहिनी आणि नणंद यांच्यामध्ये वाद होत असल्याचे पाहायला मिळते. पण वहिनी आणि नणंद यांच्यात प्रेमसंबंध केल्याचे तुम्ही ऐकलंय का? अशी अजबगजब घटना जबलपूरमध्ये घडली आहे. तेथे एक तरुणी तिच्या वहिनीच्या प्रेमात पडली. पुढे दोघी घरातून पळून गेल्या. या घटनेमुळे परिसरात खळबळ उडाली आहे.

मिळालेल्या माहितीनुसार, अमरपाटण परिसरात ही विचित्र घटना घडली आहे. आशुतोष नावाच्या एका तरुणाने सात वर्षांपूर्वी संध्या नावाच्या तरुणीशी प्रेमविवाह केला होता. त्यांचे वैवाहिक जीवन सुरळीतपणे चालले होते. त्यांना पाच वर्षांचा मुलगा आहे. मुलाच्या शिक्षणासाठी आशुतोष, त्याची पत्नी संध्या आणि ५ वर्षांचा मुलगा जबलपूरला स्थानिक झाले.

आशुतोषची चुलत बहीण मानसी ही जबलपूरमधील त्यांच्या घरी वारंवार येत असे. दोघी चांगल्या मैत्रिणी बनल्या होत्या. दोघी तासन्तास गप्पा मारायच्या, अनेकदा एकत्र बाजारात जायच्या. संध्या आणि मानसी दोघींमध्ये नणंद भावजय यांचे सुंदर नातं असल्याचे सर्वांना वाटत होते. पण त्यांच्यामध्ये अफेयर असल्याचे कोणालाही ठाऊक नव्हते.

१२ ऑगस्ट रोजी आशुतोषची पत्नी संध्या अचानक घरातून गायब झाली. दुसऱ्या दिवशी ती जबलपूर रेल्वे स्थानकावर सापडली. त्यानंतर संध्या तिचा पती आशुतोष आणि मुलासोबत काही दिवस त्यांच्या घरी राहिली. त्यानंतर २२ ऑगस्ट रोजी मोबाईल फोन घरीच सोडून ती पुन्हा घरातून गायब झाली. परत न आल्याने आशुतोषने संध्या बेपत्ता असल्याची तक्रार पोलीस स्थानकामध्ये केली.

आशुतोषला त्याच्या पत्नीची, संध्याची काळजी वाटत होती. पत्नी आणि बहीण यांच्यामध्ये प्रेमसंंबंध असल्याची त्याला माहिती नव्हती. संध्या घरातून बेपत्ता झाल्यानंतर काही दिवसांनी त्याने संध्याचा फोन तपासला. आशुतोषने संध्या आणि मानसी यांच्यातील चॅट्स वाचल्या. दोघांच्या रोमँटिक चॅट्स पाहून आशुतोषला मोठा धक्का बसला.

एएसपी सूर्यकांत शर्मा यांनी दिलेल्या माहितीनुसार, बेपत्ता असलेल्या महिलेच्या पतीने जबलपूर ग्रामीणमधील घामपौर पोलीस ठाण्यात एफआयआर दाखल केला आहे. पत्नीने तिचा फोन सोबत नेला नसल्याने तिचे ठिकाण शोधणे कठीण आहे. पण पोलिसांना काही तांत्रिक पुरावे सापडले आहेत, ज्याच्या आधारे बेपत्ता पत्नीचा शोध सुरू आहे.