Pallonji Mistry News : पद्म भूषण पालोनजी मिस्त्री यांचं निधन

पुणे : शापूरजी पालोनजी समूहाचे (Shapoorji Pallonji Group) चेअरमन पालोनजी मिस्त्री (Pallonji Mistry) यांचे आज (मंगळवार) निधन झाले. ते 93 वर्षाचे हाेते. त्यांच्या पश्चात दोन मुले शापूर मिस्त्री (Shapoor Mistry) आणि सायरस मिस्त्री (Cyrus Mistry) आणि दोन मुली लैला मिस्त्री (Laila Mistry) आणि आलू मिस्त्री (Aloo Mistry) असे कुटुंब आहे. (Shapoorji Pallonji Chairman Pallonji Mistry passes away at 93)

शापूरजी पालोनजी समूह देश-विदेशात विविध व्यवसायात अग्रभागी राहिला आहे. यामध्ये बांधकाम, रिअल इस्टेट, आर्थिक सेवां आदींचा समावेश आहे. या समूहात 50 हजार पेक्षा अधिक लोक काम करीत आहेत. सायरस मिस्त्री (Cyrus Mistry) यांनी एकदा टाटा सन्सचं अध्यक्षपद भूषविले हाेते. एका वादानंतर सायरस मिस्त्री यांनी राजीनामा (resignation) दिला.

पालोनजी मिस्त्री यांना सन 2016 कालावधीत पद्म भूषण पुरस्कारानं (Padma Bhushan Award) सन्मानित करण्यात आले होते. हा देशातील (India) तिसरा सर्वोच्च नागरी पुरस्कार मानला जाताे. पालोनजी मिस्त्री यांच्या निधनाने विविध क्षेत्रातील मान्यवरांनी त्यांना श्रद्धांजली वाहिली.

Edited By : Siddharth Latkar