मुख्यमंत्री योगी आदित्यनाथ यांना मोठा दिलासा! SC म्हणाले, खटला चालणार नाही

नवी दिल्ली: उत्तर प्रदेशचे मुख्यमंत्री योगी आदित्यनाथ (Yogi Adityanath) यांना हेट स्पीच प्रकरणी सर्वाच्च न्यायालयाने मोठा दिलासा दिला आहे. न्यायालयाने मुख्यमंत्री आदित्यनाथ यांच्याविरोधात दाखल केलेली याचिक फेटाळली आहे. २००७ मध्ये योगी आदित्यनाथ यांच्यावरोधात हेट स्पीच प्रकरणी याचिका दाखल केली होती. या प्रकरणी न्यायलयाने म्हटले की, या याचिकेत योग्यता नाही, ज्याच्या आधारे योगी आदित्यनाथ यांच्यावर खटला चालवण्याची परवानगी दिली जाऊ शकते.

प्रक्षोभक भाषणाच्या आरोपाखाली मुख्यमंत्री योगी यांच्यावर खटला चालवण्यास सर्वोच्च न्यायालयाने बुधवारी परवानगी नाकारली आहे. याअगोदर मे २०१७ मध्ये राज्य सरकारने हा खटला चालवण्यास परवानगी नाकारली होती. तेव्हा सरकारने सांगितले की, खटल्यातील पुरावे अपुरे आहेत. जे २०१८ मध्ये अलाहाबाद उच्च न्यायालयानेही कायम ठेवले होते.

सर्वोच्च न्यायालयाने बुधवारी या प्रकरणावर सुनावणी करताना सांगितले की, या याचिकेत योग्यता नाही. त्यामुळे या प्रकरणाचा पाठपुरावा करण्यास परवानगी देता येणार नाही. खरे तर हे प्रकरण गोरखपूर दंगलीचे आहे. या प्रकरणी अलाहाबाद उच्च न्यायालयाने सीएम योगींच्या (Yogi Adityanath) कथित भाषणाची चौकशी करण्याची मागणी करणारी याचिका फेटाळून लावली होती.

सीएम योगी आदित्यनाथ यांच्या वतीने मुकुल रोहतगी यांनी ही याचिका दंडासह फेटाळण्यात यावी, असा युक्तिवाद केला होता. दुसरीकडे, कपिल सिब्बल यांनी २००७ मधील गोरखपूर दंगल आणि योगींच्या वक्तव्यावरून झालेल्या वादात युक्तिवाद करण्यास नकार दिला होता.