'तेरी गाड़ी को हम ब्लास्ट करेंगे! सनातन संघाच्या राष्ट्रीय अध्यक्षांना बॉम्बने उडवण्याची धमकी

सागर निकवाडे, साम प्रतिनिधी

दिल्लीमध्ये एका धावत्या कारमध्ये स्फोट घडल्यानंतर देशभरात दहशतीचं वातावरण आहे. देशभरातील सुरक्षा यंत्रणा सतर्क झालीय. अनेक राज्यात तपास यंत्रणेकडून छापेमारी केली जात आहे. त्याचदरम्यान सनातन संघाचे राष्ट्रीय अध्यक्ष उपदेश राणा यांना बॉम्बने उडवण्याची धमकी देण्यात आलीय. ही धमकी व्हॉट्सअॅप कॉलवरून देण्यात आलीय.

उपदेश राणा हे सुरतहून बागेश्वर धामला जात होते, त्यावेळी त्यांनी त्यांच्या व्हॉट्सअॅपवर कॉल आला. कॉलवर बोलणाऱ्या व्यक्तीनं त्यांना जीवे मारण्याची धमकी दिली. गुजरातहून महाराष्ट्राच्या हद्दीत प्रवेश करताच नंदुरबार जिल्ह्यातील प्रकाशा जवळ आल्यानंतर त्यांना धमकीचा कॉल आला. धमकी आल्यानंतर उपदेश राणा यांनी नंदुरबार जिल्ह्यातील शहादा पोलीस स्टेशन गाठत अज्ञात कॉल करणाऱ्या विरोधात तक्रार दिली आहे.

उपदेश राणा हम तुझपर नजर रखे हुए है.तुने अभी महाराष्ट्र मे एन्ट्री की है.पुलिस की, गाडी तेरे साथ चल रही है. पुलीस की गाडी को भी और तेरी गाडी को भी हम ब्लास्ट करंगे.. मै आयएसआय से शाहरुख बोल रहा हु। अशा पद्धतीचा धमकीचा व्हाट्सअप कॉल त्यांना आला होता. उपदेश राणा हे त्यांच्या मित्रासोबत गुजरातच्या सुरतहून बागेश्वर धामला आपल्या कारने जात होते. त्यावेळी धमकीचा कॉल आला होता. 7508064890 या नंबरवरून त्यांना धमकीचा कॉल आला. याप्रकरणी उपदेश राणा यांनी शहादा पोलीस ठाण्यात तक्रार दाखल केलीय. आपल्या तक्रारीत त्यांनी संपूर्ण घटनाक्रम सांगितलाय.