Jio Recharge Plan: जिओचा सर्वात स्वस्त प्रीपेड प्लॅन; अनलिमिटेड कॉलिंगसह दिवसाला 2GB डेटा, जाणून घ्या काय आहे ऑफर

Jio Unlimited Calling Pack: देशात सर्वात आधी आणि सर्वात जास्त 5G चं जाळं पसरवणारी नेटवर्क कंपनी म्हणजे रिलायन्स जिओ. सर्वात स्वस्त रिचार्ज प्लॅन ऑफर करण्यासाठी रिलायन्स जिओ प्रसिद्ध आहे. ग्राहकांना अधिक आकर्षित करण्यासाठी जिओकडुन सतत नवीन प्लॅन लाँच केले जातात. शहरासह ग्रामीण भागातही जिओचे ग्राहक आहेत. (Latest Marathi News)

आपल्या ग्राहकांना खूश करण्यासाठी जिओ नवनवीन ऑफर्स आणत असते. सध्या आयपीएल सुरू असल्याने अनेकजण मॅच बघण्यासाठी वेगवेगळे रिचार्ज प्लॅन शोधत आहेत. अशातच जिओने आपल्या ग्राहकांना खूश करण्यासाठी सर्वात स्वस्त आणि मस्त प्रीपेड प्लॅन बाजारात आणला आहे. चला तर मग जाणून घेऊया, जिओच्या नवीन प्रीपेड प्लॅनबद्दल

जिओच्या या प्लॅनमध्ये, तुम्हाला चांगली व्हॅलेडिटी तर मिळणारच आहे. त्याचबरोबर इतर अनेक फायदे देखील यामध्ये दिले जातील. या प्लॅनमध्ये यूजरला डेली डेटासह, व्हॉइस कॉलिंग आणि एसएमएसची सुविधा मिळणार आहे. यासोबतच जिओच्या काही अॅप्सचा अॅक्सेसही मिळणार आहे.

जिओचा ७१९ रुपयांचा प्रीपेड प्लॅन

जिओच्या नवीन प्रीपेड प्लॅनची किंत ७१९ रुपये इतकी आहे. यामध्ये ८४ दिवसांची वैधता युजर्सना देण्यात आली आहे. या प्लॅनचा वापर करून जिओ ग्राहक त्यांच्या सर्व गरजा पूर्ण करू शकतात. या प्लॅनमध्ये वापरकर्त्यांना दररोज 2 GB डेटा वापरण्याची सुविधा दिली जाते म्हणजेच एकूण 168 GB डेटा दिला जातो.

वापरकर्ते अमर्यादित 5G डेटा वापरू शकतात. या प्लॅनमध्ये अनलिमिटेड कॉलिंगची सुविधा देखील दिली जाईल जी ८४ दिवसांसाठी वैध असेल. तसंच यासोबतच यूजर्सना दररोज १०० एसएमएस वापरण्याची सुविधाही दिली जाणार आहे. याशिवाय या प्लॅनमध्ये जिओ टीव्ही, जिओ सिनेमा, जिओ सिक्युरिटी अशा काही सुविधा मिळतात. त्यामुळे या सर्व गोष्टींकडे पाहता हा प्लान तुमच्यासाठी अगदी बेस्ट ठरू शकतो.

कारण यामध्ये तुम्हाला सुमारे तीन महिन्यांची वैधता मिळते, ज्यामुळे तुम्हाला सतत रिचार्ज करावा लागणार नाही आणि तुम्ही तीन महिन्यांचा रिचार्ज एकत्रच करु शकता. तसंच कॉलिंगकचं टेन्शन नाही. इंटरनेटही भरपूर मिळत आहेत. आता हे सगळं जाणून घेतल्यावर जर तुम्हाला या रिचार्जचा फायदा घ्यायचा असेल, तर तुम्ही Jio च्या वेबसाइटवरून हा रिचार्ज करु शकता.

Edited by - Satish Daud