Rahul Gandhi : मतचोरांना आयोगाच्या आयुक्तांकडून पाठिंबा, राहुल गांधींचा गंभीर आरोप; CID चे पुरावे दाखवत 'बॉम्ब' फोडला

Rahul Gandhi Press Conference Live Election Commission Gyanesh Kumar : मतचोरीच्या मुद्द्यावरुन काँग्रेस नेते राहुल गांधी आक्रमक झाले आहेत. त्यांनी निवडणूक आयोगावर पुन्हा एकदा मतचोरीचा आरोप केला आहे. राहुल गांधी यांनी आज पत्रकार परिषदेमध्ये मतचोरी होत असल्याचे अनेक पुरावे दाखवत निवडणूक आयोग आणि सत्ताधारी भाजपवर टीका केली. त्यांनी निवडणूक आयोगाचे आयुक्त ज्ञानेश कुमार यांच्यावरही आरोप केले.

निवडणूक आयोगाचे आयुक्त ज्ञानेश कुमार हे मतचोरी करणाऱ्यांना मदत करत आहेत असे राहुल गांधी यांनी म्हटले आहे. याबाबत त्यांनी पुरावे सादर केले. ते म्हणाले, 'कर्नाटक सीआयडीकडून आयोगाला १८ पत्रे पाठवण्यात आली. त्याबाबत कुमार यांच्याकडून प्रतिसाद मिळाला नाही. फेब्रुवारी २०२३ मध्ये पहिले पत्र पाठवण्यात आले. पण त्यात दिलेल्या माहितीची गरज नव्हती. कर्नाटक सीआयडीने १८ वेळा पत्र पाठवूनही योग्य प्रतिसाद मिळाला नाही. आयुक्तांना १८ वेळा पत्र पाठवले, तरीही उत्तर मिळाले नाही. आयुक्त मतचोरांना मदत करत असल्याचे पुरावे आहेत. आयोगाच्या आतमधून मदत मिळत आहे. निवडणूक आयोगाच्या आतमधून आम्हाला माहिती मिळत आहे, आम्हाला मदत केली जात आहे. हे थांबणार नाही. देशातील लोक मतचोरीला थारा देणार नाही.'

'वेगवेगळ्या राज्यातील क्रमांकाचा वापर करुन मत डिलीट केली जात आहेत. या क्रमांकावर फोन केल्यानंतर कोणीही प्रतिसाद करत नाही. या क्रमांकाचा वापर जेव्हा केला गेला, तेव्हा ते कुठे होते? त्याचा आयपी अ‍ॅड्रेस काय होता? या क्रमांकांवरुन काही सेकंदात मत डिलीट केले होते. प्रोसेस पाहायला गेले तर हे असे होणे शक्यच वाटत नाही. पहाटे ४ वाजता प्रोसेस होते. नागराज यांच्या क्रमांकावर ३६ सेकंदात नाव डिलीट केले गेले. त्यांना याबाबत काहीच माहिती नव्हती. सर्वकाही ठरवून केले जात आहे', असे वक्तव्य राहुल गांधी यांनी केले.

राहुल गांधी म्हणाले, 'व्होटर लिस्टमधील पहिल्या क्रमांकावरील व्यक्तीकडून हे डिलीट करण्याचे काम केले जात आहे. हे सर्व एकाच सॉफ्टवेअरच्या माध्यमातून केले जात आहे. कर्नाटकमधील ज्या ठिकाणी काँग्रेस पक्षाला जास्त मत होती, तेथे टार्गेट करण्यात आले. ज्या ठिकाणी काँग्रेसने ८ जागा जिंकल्या, तेथे मतांची चोरी झाली. निवडणूक आयोगाचे आयुक्त मतचोरांना पाठीशा घालत आहेत. याबाबत माझ्याकडे पुरावे आहेत.'