राहुल गांधींच्या कार्यक्रमाआधीच काँग्रेसच्या दिग्गज नेत्याचे निधन; देशाच्या राजकारणात शोककळा

उत्तराखंडच्या देहरादूनमध्ये राहुल गांधी यांच्या दौऱ्यापूर्वी मोठा अपघात घडला असून कार्यक्रमाच्या तयारीदरम्यान काँग्रेस नेते अमर मेहता यांचा मृत्यू झाला आहे. देहरादूनमधील बन्नू शाळेच्या ग्राऊंडवर 17 जुलै रोजी तरुणांचा आवाज हा कार्यक्रम आयोजित करण्यात आला होता. या कार्यक्रमाच्या तयारीत अमर मेहता व्यस्त होते. मंडप उभारत असताना लोखंडी पाइप त्यांच्या डोक्यावर पडल्याने ते गंभीररित्या जखमी झाले.त्यांना तात्काळ खासगी रुग्णालयात दाखल करण्यात आले, मात्र उपचारदारम्यान त्यांचा मृत्यू झाला. या घटनेनंतर कार्यक्रमस्थळी एकच खळबळ उडाली. जखमी अवस्थेत त्यांना तातडीने रुग्णालयात नेण्यात आले, मात्र डॉक्टरांनी त्यांना मृत घोषित केले.

प्राथमिक माहितीनुसार, हा अपघात स्टेज उभारत असताना घडला. घटनेची माहिती मिळताच पोलीस आणि बचाव पथक घटनास्थळी दाखल झाले असून अपघात का घडला याचा तपास सुरू करण्यात आला आहे. काँग्रेसचे वरिष्ठ नेतेही घटनास्थळी पोहोचले आणि सदर परिस्थितीचा आढावा घेतला.

‘तरुणांचा आवाज हा कार्यक्रम सुरुवातील ग्राउंड येथे होणार होता. मात्र परवानगीच्या वादानंतर कार्यक्रमाचे ठिकाण बदलून बन्नू शाळेच्या मैदानावर करण्यात आले. कार्यक्रमाच्या आदल्या दिवशीच झालेल्या या अपघातामुळे आयोजन आणि सुरक्षा व्यवस्थेवर गंभीर प्रश्न उपस्थित झाले आहेत. घटनेनंतर पोलिसांनी तपास सुरू केला असून, मंच उभारणीदरम्यान सुरक्षा नियमांचे पालन झाले होते का, याची चौकशी केली जात आहे. अपघातानंतर काही काळासाठी कार्यक्रमस्थळी बांधकामाचे कामही थांबवण्यात आले आहे.