Tourists Stuck In Himachal Pradesh: पुण्यातील ११ पर्यटक हिमाचल प्रदेशात अडकले, संपर्क होत नसल्याने नातेवाईक चिंतेत

Pune 11 Tourists Stuck In Flood Of Himachal Pradesh: पुण्यातील ११ पर्यटक हिमाचल प्रदेशात पुरामध्ये अडकल्याची माहिती समोर येत आहे. या पर्यटकांशी संपर्क होत नसल्याने नातेवाईक चिंतेत आहेत. उत्तर भारतात पावसामुळे निर्माण झालेल्या पूरपरिस्थितीमध्ये हे पर्यटक अडकले असल्याशी शक्यता आहे. यासंदर्भात जिल्हा प्रशासनाकडून हिमाचल सरकारशी संपर्क साधण्याचा प्रयत्न सुरू आहे.

उत्तर भारतात गेल्या काही दिवसांपासून पावसाने कहर केला आहे. या पावसात देशभरातील हजारो पर्यटक हिमाचलप्रदेशात अडकले आहेत. त्यात पुण्यातील 11 जणांचा समावेश आहे. हे सर्व पर्यटक पिंपरी चिंचवड येथील असल्याची माहिती आहे. त्यांच्यााशी संपर्क होत नसल्याने नातेवाईक चिंतेत आहेत.

दरम्यान पुणे जिल्हा प्रशासनाकडून हिमाचल प्रदेश सरकारशी संपर्क साधण्यात येत आहे. तेथील वाहतूक बंद आहे, मात्र सर्व पर्यटक सुरक्षीत असल्याचे जिल्हा प्रशासनाने स्पष्ट केले आहे.

हिमाचल प्रदेशात कुलू, मनाली, कसोल, मंडी अशी अनेक प्रसिद्ध पर्यटन स्थळं आहेत. या ठिकाणी दरवर्षी हजारो पर्यटक भेट देतात. मात्र गेल्या काही दिवसांपासून तेथे झालेल्या अतिवृष्टीमुळे अनेक पर्यटक अडकून पडले आहेत. वाहतूक आणि मार्ग बंद असल्याने ये-जा करणे अशक्य आहे. (Tajya Marathi Batmya)

जिल्हा प्रशासनाने दिलेल्या माहितीनुसार, 'पिंपरी चिंचवडमधील 5 पर्यटक मंडी येथे अडकले आहेत, दोन दिवस त्यांचा संपर्क झाला नव्हता. मंगळवारी तेथील परिस्थिती सुधारल्यावर त्यांनी जवळच्या पोलिस ठाण्यातून कुटुंबियांशी संपर्क साधला. ते सुरक्षित असल्याचे स्पष्ट झाले आहे. (Latest Political News)

जिल्हा प्रशासन हिमाचल सरकारच्या संपर्कात असून सर्व पर्यटक सुरक्षित असल्याचे त्यांनी सांगितले आहे. त्यामुळे नातेवाईकांनी घाबरून जाऊ नये असे आवाहन जिल्हा प्रशासनाकडून करण्यात आलं आहे. (Latest Marathi News)