Pulwama Attack : पुलवामा हल्ल्यातील आरोपीचा अचानक मृत्यू; आतकंवाद्यांना घरात दिला होता आश्रय

पुलवामात पाच वर्षांपूर्वी सीआरपीएफच्या ताफ्यावर मोठा दहशतवादी हल्ला झाला होता. या हल्ल्यात ४० सीआरपीएफ जवान शहीद झाले होते. या हल्ल्याने संपूर्ण देश हादरला होता. दरम्यान या दहशतवादी हल्ल्यातील आरोपीचा मृत्यू झाला आहे. सोमवारी रात्री सरकारी मेडिकल कॉलेज रुग्णालयात त्याचा मृत्यू झाला. काकापोरा येथील हाजीबल गावातील बिलाल अहमद कुचे पुलवामा हल्ल्यातील १९ आरोपींपैकी एक होता. बिलाल दहशतवाद्यांना स्वत:च्या घरात आश्रय दिला होता आणि आतंकवाद्यांना रसद पुरवली होती.

किश्तवाड जिल्हा कारागृहात आजारी पडल्यावर कुचे याला १७ सप्टेंबर रोजी रुग्णालयात दाखल करण्यात आलं होतं. सोमवारी रात्री हृदयविकाराच्या झटक्याने त्याचा मृत्यू झाला. पुलवामा प्रकरणात कुचे आणि इतर १८ आरोपींविरुद्ध राष्ट्रीय तपास यंत्रणेने (NIA) २५ ऑगस्ट २०२० रोजी आरोपपत्र दाखल केले होते. या प्रकरणात ज्या ७ आरोंपींना अटक करण्यात आली होती. त्यात बिलालचाही समावेश होता. शाकिर बशीर, इन्शा जान आणि पीर तारिक अहमद शाह यांनी जैश-ए-मोहम्मदच्या दहशतवाद्यांना रसद पुरवली होती आणि त्यांना त्यांच्या घरात आश्रय दिला होता.

पुलवामा हल्ल्यात ४० जवान शहीद झाले होते. १४ फेब्रुवारी २०१९ रोजी पुलवामाच्या लेथपोरा भागात पाकिस्तानस्थित जैश-ए-मोहम्मदच्या एका दहशतवाद्याने स्फोटकांनी भरलेल्या वाहनाने सीआरपीएफच्या ताफ्यावर धडक दिली, ज्यात सीआरपीएफचे ४० जवान शहीद झाले होते आणि आठ जवान जखमी झाले होते. या आत्मघाती हल्ल्याला ५ वर्षे पूर्ण झाली असली तरी जखमा अजूनही ताज्या आहेत.

या प्रकरणात कुचे आणि 18 इतर आरोपींविरुद्ध 25 ऑगस्ट 2020 रोजी राष्ट्रीय तपास संस्था (NIA) ने आरोपपत्र दाखल केले होते. तो प्रकरणात अटक करण्यात आलेल्या सात आरोपींपैकी एक होता. त्याने आणि अन्य आरोपींनी, शाकिर बशीर, इंशा जान आणि पीर तारिक अहमद शाह यांनी जैश-ए-मोहम्मदच्या दहशतवाद्यांना त्यांच्या घरी आसरा दिला होता आणि त्यांना हाय-एंड-सेल उपलब्ध करून दिले होते.

एजन्सीने आरोपींविरुद्ध रणबीर पीनल कोड, आर्म्स अ‍ॅक्ट, अनलॉफुल अ‍ॅक्टिविटी (प्रिव्हेन्शन) अ‍ॅक्ट, विदेशी अ‍ॅक्ट आणि जम्मू-कश्मीर सार्वजनिक संपत्ती (नुकसान रोखण्याचा अधिनियम) यांच्याअंतर्गत विविध कलमांखाली आरोपपत्र दाखल केले होते. तर दहशतवादी हल्ल्यात सहभागी असलेल्या तीन पाकिस्तानींसह सहा दहशतवाद्यांना वेगवेगळ्या चकमकीत ठार करण्यात आले. या प्रकरणात जैश-ए-मोहम्मदचा संस्थापक मसूद अजहर यासह सहा अन्य दहशतवादी अद्याप फरार आहेत.

एनआयएच्या मते, पुलवामा हल्ला हा पाकिस्तानस्थित दहशतवादी संघटनेच्या नेतृत्वाने आखलेल्या सुनियोजित गुन्हेगारी कटाचा भाग होता. एनआयएने सांगितले की जेईएमचे नेते त्यांच्या कॅडरला स्फोटक आणि इतर दहशतवादी युक्त्या शिकवण्यासाठी अफगाणिस्तानात अलकायदा-तालिबान-जेईएम आणि हक्कानी-जेईएमच्या तळांवर पाठवत आहेत.