PM Modi News: आईने सांगितलेली 'ती' गोष्ट नेहमी लक्षात राहिल; पंतप्रधान मोदींचं भावूक ट्विट

PM Narendra Modi's Mother Passed Away : पंतप्रधान नरेंद्र मोदी यांच्या आई हिराबेन मोदी यांचं निधन झालं आहे. आज (30 डिसेंबर) पहाटे साडेतीन वाजेच्या सुमारास त्यांनी अहमदाबाद येथील रुग्णालयात अखेरचा श्वास घेतला. आईच्या निधनाची बातमी कळताच पंतप्रधान मोदी अहमदाबादकडे रवाना झाले. आई हिराबेन मोदी यांच्या आठवणीत मोदींनी भावूक ट्विट केलं आहे. (Latest Marathi News)

मी जेव्हा आईच्या १०० व्या वाढदिवशी त्यांचा आशिर्वाद घेण्यासाठी गेलो होतो. तेव्हा त्यांनी मला एक गोष्ट सांगितली होती. 'बेटा काम करो बुद्धी से और जीवन जिओ शुद्धी से' ही गोष्ट माझ्या नेहमीच लक्षात राहिलं असं पंतप्रधान मोदी यांनी म्हटलं आहे. यावरून मोदी आई त्यांच्या आई हिराबेन यांच्यातील नातं किती घट्ट होतं याची प्रचिती मिळते.

दरम्यान, आईच्या निधनाची बातमी कळताच, पंतप्रधान नरेंद्र मोदी हे दिल्लीहून अहमदाबादच्या दिशेने रवाना झाले आहेत. सकाळी ८ वाजेच्या सुमारास ते अहमदाबाद येथे पोहचतील. बुधवारी मोदी हे आईला भेटण्यासाठी (PM Modi) हॉस्पिटलमध्ये पोहोचले होते. तेव्हा त्यांनी डॉक्टरांकडे आईच्या तब्येतीची विचारपूस केली होती.

त्या लवकरच बऱ्या होतील, असं डॉक्टरांनी मोदींना सांगितलं होतं. मात्र, आज (30 डिसेंबर) पहाटे तीन वाजेच्या सुमारास हिराबेन मोदी यांची प्राणज्योत मालवली. दरम्यान, हिराबेन यांनी 18 जून रोजीच त्यांचा 100 वा वाढदिवस साजरा केला. तर, पंतप्रधान मोदींनी गुजरात निवडणुकीच्या दरम्यान गांधीनगरमध्ये आई हिराबेन यांची भेटही घेतली होती.

मोदींनी आईसोबत बराच वेळ गप्पाही मारल्या, नंतर त्यांनी आईच्या पायाल स्पर्श करत आशीर्वाद घेतले. त्यावेळी मोदी आणि त्यांच्या आईसोबतच्या भेटीचे फोटो समोर आले होते, ज्यामध्ये ते हिराबेनचे आशीर्वाद घेताना दिसले होते.

Edited By - Satish Daud