Breaking : ऑक्टोबरमध्ये PM नरेंद्र मोदी मुंबई-ठाणे दौऱ्यावर?

मुंबई : पंतप्रधान नरेंद्र मोदी ऑक्टोबर महिन्यात मुंबई आणि ठाण्याच्या दौऱ्यावर येण्याची शक्यता आहे. मुंबईतील टाटा कॅन्सर हॉस्पिटल प्रमाणेच ठाण्यात देखील कॅन्सर हॉस्पिटलच्या भूमिपूजनासाठी पंतप्रधान स्वतः येण्याची शक्यता वर्तवण्यात येत आहे. तसेच मुंबईतील आणि आसपासच्या शहरातील काही मोठ्या प्रकल्पांचे भूमिपूजन आणि उद्घाटन पंतप्रधानांच्या हस्ते होण्याची देखील शक्यता आहे. (PM Narendra Modi Latest News)

या दौऱ्यात एकनाथ शिंदे गट आणि भाजप कशाप्रकारे एकत्रितरीत्या महाराष्ट्राच्या जनतेसाठी काम करत आहे, हे दाखवण्याचा प्रयत्न केला जाणार आहे. आगामी महापालिका निवडणुका डोळ्यासमोर ठेवून हा दौरा महत्त्वाचा ठरणार असल्याचं बोललं जात आहे.