वर्क फ्रॉम होम, ऑनलाईन शाळा... अवघ्या २४ तासांत दुसऱ्यांदा PM मोदींचं नागरिकांना आवाहन, १० महत्त्वाच्या मुद्द्यांवर भर

पंतप्रधान नरेंद्र मोदी यांनी २४ तासांत दुसऱ्यांदा देशाला पेट्रोल आणि डिझेलची बचत करण्याचे आवाहन केले आहे. यासह त्यांनी लोकांना सोने न खरेदी करण्याचे आणि तेलाचा वापर कमी करण्यासह ऑनलाईन क्लासेस आणि स्थानिक उत्पादनांना प्राधान्य देण्याचे आवाहन केले आहे.

याआधी पंतप्रधान मोदींनी हैदराबादमध्ये बोलताना देशातील नागरिकांनी कोरोना काळात घेतलेल्या उपाययोजनांची पुन्हा एकदा अंमलबजावणी करावी, असं म्हटलं होतं. आता गुजरातमध्ये एका कार्यक्रमात बोलताना मोदींनी देशातील जनतेला पुन्हा आवाहन केले आहे. याआधी पंतप्रधान मोदींनी हैदराबादमध्ये बोलताना देशातील नागरिकांनी कोरोना काळात घेतलेल्या उपाययोजनांची पुन्हा एकदा अंमलबजावणी करावी, असं म्हटलं होतं. आता गुजरातमध्ये एका कार्यक्रमात बोलताना मोदींनी देशातील जनतेला पुन्हा आवाहन केले आहे.

आर्थिक दबावाच्या पार्श्वभूमीवर, पंतप्रधान मोदींनी लोकांना सोन्याची खरेदी न करण्याचे आवाहन केले. विदेशी उत्पादनांऐवजी स्वदेशी उत्पादनांचा वापर करण्यावर भर दिला. त्यांनी शेतकऱ्यांना रासायनिक खतांवरील अवलंबित्व कमी करून नैसर्गिक शेतीचा अवलंब करण्याचे आवाहनही केले.

पंतप्रधानांनी नमूद केले की, गेल्या काही वर्षांपासून जग अनेक संकटांचा सामना करत आहे. प्रथम, कोविड-१९ महामारी, त्यानंतर आर्थिक अस्थिरता आणि आता पश्चिम आशियातील वाढते युद्ध. त्यांच्या मते, जर कोरोना विषाणू हे या शतकातील सर्वात मोठे संकट होते, तर पश्चिम आशियातील सध्याचा संघर्ष या दशकातील सर्वात मोठ्या संकटांपैकी एक असू शकतो.