Petrol Diesel: गुजरातसह 'या' राज्यांमध्ये पेट्रोल- डिझेल महागले; महाराष्ट्रातही इंधन महागणार?

नवी दिल्ली - पेट्रोल (Petrol) निर्यात करणाऱ्या देशांच्या संघटनेने उत्पादनात कपात केल्यानंतर आता कच्च्या तेलाच्या किमती पुन्हा वाढू लागल्या आहेत. शुक्रवारी पुन्हा एकदा जागतिक बाजारात कच्च्या तेलाच्या किमती वाढल्या आहेत. ब्रेंट क्रूडची किंमत प्रति बॅरल 94.42 डॉलर पर्यंत वाढली आहे, तर WTI प्रति बॅरल 88.53 डॉलरवर पोहोचले आहे. देशातील सरकारी तेल कंपन्यांनी पेट्रोल आणि डिझेलचे (Diesel) नवे दर जाहीर केले आहेत. (Petrol Diesel Latest Update)

काही राज्यांमध्ये किमतीत पेट्रोल आणि डिझेलच्या किंमतीमध्ये चढ-उतार दिसून आले आहेत. छत्तीसगडमध्ये पेट्रोल 0.40 रुपयांनी वाढून 103.58 रुपये प्रति लीटर तर डिझेल 96.55 रुपये प्रति लीटरवर पोहोचले आहे. गुजरातमध्ये पेट्रोल 0.21 रुपयांनी वाढून 96.42 रुपये आणि डिझेल 94.28 रुपये लिटर झाले आहे. झारखंडमध्येही पेट्रोल 0.26 रुपयांनी वाढून 100 च्या वर म्हणजेच 100.21 रुपये प्रति लिटर आणि डिझेल 95 रुपये प्रति लीटरवर पोहोचले आहे. याशिवाय इतर काही राज्यांमध्येही तेलाच्या किमतीत किंचित वाढ झाली आहे. मात्र, देशातील दिल्ली, मुंबई, चेन्नई आणि कोलकाता या चार महानगरांमध्ये दरात कोणताही बदल झालेला नाही.

चार महानगरांमध्ये पेट्रोल-डिझेलचे दर

– दिल्लीत पेट्रोल 96.72 रुपये आणि डिझेल 89.62 रुपये प्रति लिटर

– मुंबईत पेट्रोल 106.31 रुपये आणि डिझेल 94.27 रुपये प्रति लिटर

– चेन्नईमध्ये पेट्रोल 102.63 रुपये आणि डिझेल 94.24 रुपये प्रति लिटर

– कोलकात्यात पेट्रोल 06.03 रुपये. डिझेल 92.76 रुपये प्रति लिटर

घरबसल्या जाणून घेऊ शकता पेट्रोल-डिझेलचे दर

तुम्ही आता घरबसल्या एसएमएसद्वारे पेट्रोल डिझेलचे दैनंदिन दर देखील जाणून घेऊ शकता. त्यासाठी तुम्हाला आपल्या मोबाईलमधून RSP आणि आपल्या शहरातील कोड टाकून 9224992249 या क्रमांकावर मॅसेज पाठवावा लागेल. BPCL ग्राहक RSP आणि त्यांचा शहर कोड 9223112222 या क्रमांकावर पाठवून माहिती मिळवू शकतात. HPCL ग्राहक HPP price आणि त्यांचा शहर कोड लिहून आणि 9222201122 या क्रमांकावर पाठवून किंमत जाणून घेऊ शकतात. (Petrol Diesel Price Today)

Edited By - Shivani Tichkule