ट्विटरचे (Twitter) मुख्य कार्यकारी अधिकारी जॅक डॉर्सी (Jack Dorsey) यांनी आपल्या पदाचा राजीनामा दिला असून ट्विटरच्या तांत्रिक विभागाचे प्रमुख व आयआयटी मुंबईचे माजी विद्यार्थी (IIT) पराग अग्रवाल हे आता नवे सीईओ असणार आहेत. आपल्या राजीनाम्याचे पत्र प्रसिद्ध करत डॉर्सी यांनी म्हटलं आहे की, कंपनीत सह-संस्थापक, सीईओ ते अध्यक्ष ते कार्यकारी अध्यक्ष ते अंतरिम-सीईओ ते सीईओ अशा भूमिका पार पाडल्यानंतर मी आता ठरवलंय की आता थांबण्याची वेळ आली आहे. पराग अग्रवाल हे आता आमचे नवीन सीईओ असणार आहेत.
ट्विटरचे मुख्य कार्यकारी अधिकारी जॅक डॉर्सी यांनी आपल्या पदाचा राजीनामा दिल्याची माहिती स्वत:च्या ट्विटर हँडलवरुन दिली आहे. आपलं पद सोडताना त्यांनी ट्विटरचे पुढील सीईओ पराग अग्रवाल असतील, असे देखील सांगितले आहे. ट्विटरच्या संपूर्ण बोर्डाने त्यांना एकमताने पुढील सीईओ म्हणून निवडल्याचंही त्यांनी सांगितलंय.
डॉर्सी यांनी 2006 साली ट्विटरच्या स्थापनेमध्ये मदत केली होती. 2008 पर्यंत त्यांनी सीईओ म्हणून काम पाहिले. त्यानंतर ते या पदावरुन पायउतार झाले होते. मात्र, तत्कालीन सीईओ डिक कोस्टोलो यांनी पद सोडल्यानंतर ते पुन्हा सीईओ म्हणून रुजू झाले होते.
Edited By : Krushnarav Sathe
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
