Imran Khan: इम्रान खान यांचं पुढील संपूर्ण आयुष्य आता तुरुंगातच! आणखी एका प्रकरणात न्यायालयाने सुनावली शिक्षा

Imran Khan Gets 7 Year Sentence:

पाकिस्तानमध्ये ८ फेब्रुवारी रोजी सार्वत्रिक निवडणुका होणार असून त्याआधी माजी पंतप्रधान इम्रान खान यांना आणखी एक मोठा धक्का बसला आहे. रावळपिंडी न्यायालयाने शनिवारी इम्रान खान आणि बुशरा बीबी यांना प्रत्येकी ७ वर्षांची शिक्षा सुनावली आहे. इद्दत दरम्यान लग्नाशी संबंधित एका प्रकरणात हा निर्णय देण्यात आला आहे.

इम्रान आणि बुशरा बीबी यांचा विवाह गैर-इस्लामिक

न्यायालयाने इम्रान खान आणि बुशरा बीबी यांचा विवाह गैर-इस्लामिक असल्याचे म्हटले आहे. बुशरा बीबीचा विभक्त पती खवर फरीद मनेका यांच्या तक्रारीवरून न्यायालयाने हा निर्णय दिला आहे. (साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

दरम्यान, या आठवड्यात इम्रान खान यांना सायफर प्रकरणात 10 वर्षांचा तुरुंगवास आणि तोशाखाना प्रकरणात 14 वर्षांची शिक्षा सुनावण्यात आली होती. अशातच निवडणुकीपूर्वीच इम्रानच्या अडचणी वाढल्या आहेत. त्यांना आता एकूण 31 वर्ष तुरुंगात राहावं लागणार आहे. (Latest Marathi News)

इद्दत म्हणजे नेमकं काय?

इद्दत इस्लाममध्ये महिलेचा घटस्फोट किंवा तिच्या पतीच्या मृत्यूनंतरचा कालावधी आहे. ज्या दरम्यान तिने दुसऱ्या पुरुषाशी लग्न न करणे आवश्यक आहे. घटस्फोटानंतर किंवा पूर्वीच्या पतीच्या मृत्यूनंतर जन्मलेल्या मुलाच्या पितृत्वाविषयी कोणतीही शंका दूर करणे हा त्याचा मुख्य उद्देश आहे.

निवडणूक चिन्हाशिवाय इम्रान यांचा पक्ष मैदानात

इम्रान खान यांचा पक्ष पाकिस्तान तहरीक-ए-इन्साफ (PTI) त्यांच्या निवडणूक चिन्हाशिवाय निवडणूक लढवत आहे. पक्षाचे महत्त्वाचे नेते इम्रान खान हे स्वतः तुरुंगात आहेत. सध्या ते रावळपिंडीच्या अडियाला तुरुंगात शिक्षा भोगत आहेत. सायफर प्रकरणात त्यांना ऑफिशियल इंटेलिजन्स ॲक्ट अंतर्गत 10 वर्षांच्या तुरुंगवासाची शिक्षा सुनावण्यात आली होती.