Pakistan flood : पाकिस्तानात पुराचा कहर; २० दिवसांत २०० जणांचा मृत्यू

Pakistan Natural Disaster Videos : पाकिस्तानात पुराचा कहर पाहायला मिळत आहे. भारताच्या शेजारी राष्ट्रात पुराने हाहाकार माजवला आहे. पुरामुळे देशाचं मोठं नुकसान झालं आहे. जून महिन्यात सुरु झालेल्या पावसांमुळे आतापर्यंत २०० जणांचा मृत्यू झाला आहे.

एएनआयच्या रिपोर्टनुसार, पाकिस्तानातील पुरात आतापर्यंत २०० जणांचा मृत्यू झाला आहे. त्यात १०० लहान मुलांचा समावेश आहे. पाकिस्तानच्या पंजाबमधील १२१, खैबर पख्तूनख्वा ४०, सिंधमधील २१, बलूचिस्तानमधील १६, इस्लामाबादमधील १, पीओकेमधील १ जणाचा मृत्यू झाला आहे. यात ३० जणांचा पाण्यात बुडून मृत्यू झाला आहे. पुरामुळे १८० हून अधिक लहान मुलांसहित ५५० लोक जखमी झाले आहेत. पुरामुळे अनेक जण बेघर झाले आहेत.

रिपोर्टनुसार, रावळपिंडीत पुरामुळे घर, रस्ते, शेतजमीन पाण्याखाली गेले आहेत. शेतकऱ्यांच्या पिकांचंही मोठं नुकसान झालं आहे. अनेक गावात पुराच्या पाण्याचा शिरकाव झाला आहे. पुराच्या पाण्यात अनेकांची घरे वाहून गेली आहेत. लोकांची जनावरे देखील वाहून गेली आहेत. लोक घरदार सोडून इतरत्र स्थलांतर केलं आहे.

फैसलाबादमध्ये पुराच्या पाण्यामुळे २ दिवसांत ११ जणांचा मृत्यू झाला आहे. पंजाबच्या चकवालमध्ये ४५० मिलीमीटरहून अधिक पावसाची नोंद झाली आहे. ३२ रस्ते वाहून गेले आहेत. भूस्खलनामुळे रस्त्यावरील विजेच्या खांबांची लाइट गेली आहे. अनेक गावातील वीजसेवा देखील ठप्प झाली आहे. मोबाईल नेटवर्क ठप्प झालं आहे.

रिपोर्टनुसार, २०२२ साली देखील भयंकर पूर आला होता. या पुरात १७०० लोकांनी जीव गमावला होता. त्यावेळी देखील लाखो लोक बेघर झाले होते. त्यावेळी पाकिस्तानला तब्बल ३४५ कोटी रुपयांचं आर्थिक नुकसान झालं होतं. जून ते सप्टेंबर महिन्यापर्यंत या पावसाचा कहर पाहायला मिळाला. त्यानंतर पुन्हा एकदा पाकिस्तानात पावसाचा कहर पाहायला मिळाला आहे.