Operation Sindoor : 'एक चिमूट सिंदूरची किंमत...' पाकडे कधीच विसरणार नाहीत, भारतानं १०० किमी घरात घुसून अद्दल घडवली

इस्लामाबाद : जम्मू आणि काश्मीरमधील पहलगाम दहशतवादी हल्ल्याचा भारताने अवघ्या २५ मिनिटांत ज्या आक्रमक पद्धतीने बदला घेतला तो पाकिस्तान कधीही विसरू शकत नाही. या हवाई हल्ल्याचे पडसाद वर्षानुवर्षे उमटत राहतील. पाकिस्तानचा सर्वात भयानक दहशतवादी मौलाना मसूद अझहर देखील आता रक्ताचे अश्रू ढाळत आहे. पाकिस्तानला चिमूटभर 'सिंदूर'ची किंमत अशी चुकवावी लागेल हे खरोखरच कल्पनेपलीकडचे होते. भारतीय महिलांच्या आयुष्यात या लाल 'सिंदूर'चे काय महत्त्व आहे, 'सिंदूर' त्याचा बदला कसा घेतो, दहशतवादी आता हे धडा म्हणून लक्षात ठेवतील. चिमूटभर 'सिंदूर' हा फक्त चित्रपटातील संवाद नाही; ही दहशतवादाविरुद्धच्या युद्धाची सुरुवात आहे. बैसरन खोऱ्यात कलमाच्या नावाखाली २६ निष्पाप लोकांच्या हत्याकांडाचा बदला घेण्याची ही सुरुवात असल्याचं मानलं जात आहे.

ज्या पद्धतीने भारतीय हवाई दलाने पाकिस्तानात घुसून दहशतवाद्यांचे अड्डे उद्ध्वस्त केले, त्या विध्वंसाचे पुरावे आता संपूर्ण जगाने पाहिले आहेत. सिंदूरचा संदेश जगभर पसरला आहे. जगाला सिंदूरची शक्ती जाणवत आहे. सिंदूर आता जागतिक स्तरावर आपली चमक दाखवत आहे. आता पाकिस्तानसह जगातील सर्व देशांना भारतीय भूमीवर सिंदूरचे महत्त्व कळेल. सिंदूर लावून भारतीय महिला कशा दुर्गा आणि काली बनतात.

दहशतवादाविरुद्धच्या कारवाईला पंतप्रधान नरेंद्र मोदी यांनी स्वतः ऑपरेशन 'सिंदूर' असं नाव दिलं. पहलगाम दहशतवादी हल्ल्यानंतर पंतप्रधानांनी तिन्ही सैन्याच्या प्रमुखांसोबत बैठक घेतली, लष्कराला ऑपरेशन करण्यासाठी मोकळीक देण्यात आली. या काळात त्यांनी ऑपरेशन 'सिंदूर' हे नाव ठरवलं होतं पण आतापर्यंत हा शब्द गुप्त ठेवण्यात आला होता. ऑपरेशन 'सिंदूर' हे नाव देण्यामागील हेतू स्पष्ट होता. ते जितके भावनांशी संबंधित आहे तितकेच ते आक्रमक देखील आहे. पहलगाममध्ये ज्या प्रकारे दहशतवाद्यांनी महिलांना विधवा बनवलं आणि त्यांच्या कपाळावरील 'सिंदूर' काढला, त्या कारवाईला ऑपरेशन 'सिंदूर'च नाव देता येईल. हे ऑपरेशन भारतीय परंपरा आणि संस्कृतीनुसार सिंदूरचे महत्त्व अधोरेखित करते. कारण सिंदूर हा प्रत्येक विवाहित महिलेचा सर्वात मोठा अलंकार मानला जातो.