Plane Crash : ओडिशात भयंकर विमान दुर्घटना, ९ जणांना घेऊन जाणारे प्लेन क्रॅश

Odisha plane crash Latest Update : ९ जणांना घेऊन जाणारे विमान ओडिशामध्ये कोसळल्याची धक्कादायक माहिती समोर आली आहे. या अपघातानंतर घटनास्थळावर एकच हाहाकार उडाला. इंडिया वन या कंपनीचे हे विमान होतं. उड्डाण घेतल्यानंतर काही वेळातच ते जमिनीवर कोसळले. तात्काळ घटनास्थळावर मदतकार्य पोहचवण्यात आलेय. विमानात पायलटसह ९ जण प्रवास करत होते. काहींना वाचवण्यात यश मिळाल्याची माहिती स्थानिक मीडियाने दिली आहे.

ओडिशातील राउरकेला येथील रघुनाथपाली परिसरात इंडिया वन या कंपनीचे एक छोटे विमान कोसळले. प्राथमिक वृत्तानुसार, या अपघातात सहा जण जखमी झाले आहेत. तर तिघांबाबात अद्याप कोणतीही माहिती समोर आलेली नाही. विमानात ९ जण प्रवास करत होते. ६ जखमींना उपचारासाठी तात्काळ जवळच्या रूग्णालयात दाखल करण्यात आले आहे. जखमींमधील दोन ते तीन जणांचा प्रकृती गंभीर असल्याचं समोर आलेय.

वाहतूक मंत्र्‍यांनी दिलेल्या माहितीनुसार, अपघातग्रस्त विमान हे ९ आसनी होते. हे विमान भुवनेश्वरहून रुएक्लाला जात होते. उड्डाण घेतल्यानंतर १० किलोमीटरवर पोहचताच विमानात अचानक बिघाड झाला अन् जमिनीवर वेगात कोसळले. विमानात नेमकं काय बिघाड, घोटाळा झाला, याबाबत तपास केला जात आहे. घटनेनंतर जखमींना वाचवण्यात आले आणि उपचारासाठी जवळच्या रुग्णालयात नेण्यात आले. अपघाताचे नेमके कारण शोधण्यासाठी तपास सुरू करण्यात येत आहे.