Nitin Gadkari: योग्य काम न करणाऱ्यांना बुलडोझर खाली देऊ; कंत्राटदारांना नितीन गडकरींचा दम, पाहा व्हिडिओ

रस्त्यांची कामे योग्य पद्धतीने न करणाऱ्या ठेकेदारांना केंद्रीय रस्ते वाहतूक मंत्री नितीन गडकरींनी सज्जड दम दिलाय. लोकसभेत एका प्रश्नाला उत्तर देताना त्यांनी कामात दोष ठेवणाऱ्या ठेकेदारांना त्यांना दम भरला. योग्य काम न करणाऱ्यांना थेट बुलडोझरच्या खाली टाकून देऊ, असा दम त्यांनी कंत्राटदारांना दिलाय.

लोकसभेच्या सभागृहात प्रश्न सत्रात राजस्थान नागौर येथील खासदार हनुमान बेनीवाल यांनी नितीन गडकरींना पुरवणी प्रश्न केला होता. त्यांच्या प्रश्नाला उत्तर देताना नितीन गडकरी म्हणाले, कंत्राटदारांना मारून-झोडून नीट केलं जाईल. पंतप्रधान नरेंद्र मोदी यांच्या नेतृत्त्वाखाली आमच्या विभागाने ५० लाख कोटी रुपयांचे काम केलं. आम्ही पारदर्शक, समयसुचकता, आणि परिणाम देणारे असल्याचं गडकरी उत्तर देताना म्हणाले.

'मला याचा उल्लेख करायचा नव्हता. ठेकेदाराने नीट काम केले नाही तर त्याला बुलडोझरखाली टाकू, लक्षात ठेवा, असे मी जाहीर सभेतही सांगितले आहे. यावर्षी सर्व कंत्राटदारांना मारून- झोडून नीट करेल. यावर कोणतीच तडजोड केली जाणार नाही.दिल्ली-मु्ंबईच्या एक्स्प्रेस वेमध्ये उणिवा दिसल्यानंतर चार- त्याबाबत ठेकेदारांना दोषी ठरवण्यात आले आहे आणि त्यांच्याविरुद्धात कठोर कारवाई करण्यात येईल.

आयआयटी-खडगपूर आणि आयआयटी- गांधीनगरच्या तज्ज्ञांनी एक्स्प्रेसवेचं निरीक्षण करण्यात आलं आणि त्यानंतर त्यात उणिवा दिसून आल्या, अशी माहिती नितीन गडकरींनी पुरवणी प्रश्नोत्तरावेळी दिली. ‘आम्ही चार कंत्राटदारांना नोटिसा बजावल्या असून त्यांना काळ्या यादीत टाकणार आहोत. कडक कारवाई केली जाईल. संबंधित अधिकाऱ्यांवरही कारवाई केली जाईल असेही गडकरी म्हणाले.

दिल्ली-मुंबई एक्स्प्रेस वे देशातील सर्वात मोठा महामार्ग आहे त्याचं बांधकाम सर्वात कमी वेळेत झालं आहे. रस्त्यांचे काम उशिराने झालं तर त्या अधिकाऱ्यांचे नाव सार्वजनिक केली जातील. जर आम्ही चांगल्या कामासाठी बक्षीस देत असतो. तर चुकीच्या कामासाठी वाईट कामांसाठी शिक्षा करणं आवश्यक असल्याचं गडकरी म्हणाले. दरम्यान नितीन गडकरींनी अनेकवेळा अधिकाऱ्यांना दम दिलाय.