माजी पंतप्रधानांना अटक होणार? घरात आढळल्या बनावट नोटा, राजकीय वर्तुळात खळबळ

नेपाळमधील बालेन शाह यांच्या नेतृत्वातील नवी सराकर अॅक्शन मोडमध्ये आहे. नेपाळ सरकारने माजी पंतप्रधान शेर बहादूर देऊन यांच्या विरोधात अटक वॉरंट जारी केलं आहे. त्यांच्या विरोधात भ्रष्टाचार आणि मनी लॉन्ड्रिंगचा गुन्हा दाखल आहे. मागील काही दिवसांपासून त्यांच्याविरोधात कारवाई सुरू आहे.

७९ वर्षीय शेर बहादूर देऊबा यांच्यावर नेपाळबाहेर उपचार सुरू आहेत. त्यांच्यावरील भ्रष्टाचाराचे आरोप चुकीचे आहेत. सर्व आरोप राजकीय हेतूने प्रेरित आहेस, असं देऊबा यांचं म्हणणं आहे. सोशल मीडियावर पोस्ट करत देऊबा यांनी म्हटलं की, 'माझ्या कुटुंबाच्या संपत्तीविषयी चुकीची माहिती पसरवण्यात आली आहे'.

शेर बहादूर देऊबा यांच्या घरात झेन-जी आंदोलनादरम्यान मोठ्या प्रमाणात बनावट नोटा आढळल्याचा आरोप आहे. या प्रकरणाची सोशल मीडियावर जोरदार चर्चा झाली. त्याचे फोटो देखील सोशल मीडियावर व्हायरल झाले. याचा तपास देखील करण्यात आला. तपास अधिकाऱ्यांनी पंतप्रधानांच्या निवासस्थानाची तपासणी देखील केली होती.

नेपाळ सरकारने देऊबा यांच्या व्यतिरिक्त त्यांची पत्नी, माजी परराष्ट्र मंत्री आरजू राणा देऊबा यांच्या विरोधात देखील अटक वॉरंट जारी करण्यात आलं आहे. देऊबा यांच्या म्हणण्यांनुसार, ते आणि त्यांची पत्नी वैद्यकीय उपचारासाठी देशाबाहेर आहेत. उपचारासाठी वेळ लागू शकतो, त्यामुळे त्यांनी नेपाळमध्ये कधी येणार, याविषयी कोणती माहिती दिलेली नाही. नेपाळ सरकारने अटक वॉरंट जारी केल्याने त्यांना कधीही अटक होण्याची शक्यता व्यक्त केली जात आहे. परंतु अटक होण्याची आधी त्यांना अटकपूर्व जामीन मिळतो का, याकडेही साऱ्यांचं लक्ष असणार आहे.